کور اوغلو میللت لر ادبیاتیندا
کور اوغلو چاغیریر حاققا
حاققین کرامتی چوخدو
چالیشماقدا وفا یوخدو
وئرگی حاق وئرگی سی اولا گرک
دوغرودان عاییب دئییل کی بیز رابین هودون بوتون ساواشلارین، گوردویو ایش لرین بیله ک، آمما اؤز کوراوغلوموزدان خبریمیز اولماسین؟ کوراوغلو آذربایجانین تاریخی بیر شخصیتیدیر کی تاریخده کی شخصیتینین بیر اوزو افسانه یه چئوریلیبدیر، دونیادا بعضی خلقلرین ادبیاتیندا اؤزللیکله تورک خالقلارینین شفاحی و یازیلی ادبیاتیندا کوراوغلو دستانی تانینیمیش بیر دستاندیر.
کوراوغلو حاقیندا چوخ بیلمک اوچون «کوراغلو در ادبیات ملل» ساده دیلله یازیلمیش آما غنی بیر کیتاب اولا بیلر. بو کیتابی «انور اوزون» یازیبدیر و «داریوش عاشوری» جنابلاری فارسجایا چئویریبلر. بو کیتاب دا، کوراوغلونون اؤزو همده کیم اولدوغونا گؤره بیلگی لر وئریلیب، اوندان سونرا بو دستانین باشقا میلت لر آراسیندا نئجه اولدوغو آراشدیریلیب. کوراوغلو، تورکیه، گورجستان، اوزبک ادبیاتیندا اؤزل یئری وار، آما آراشدیرمالار گؤستریرکی اونلارین ادبیاتینداکی کوراوغلو دستانینین موضوعلارینین هامی سی، آذربایجاندان اونلارا گئدیب دیر. خوی و سلماس اطرافینداکی چنلی بئل و کوراوغلو آدلی ایکی قالا کوراغلونون آذربایجانا عایید اولدوغونا بیر دلیل اولا بیلر.
کیتاب کوراوغلو کیم دیر قونوسویلا باشلاییب، سونرا اونون باشقا اؤلکه لرده کی واریانتلاری بحث ائدیلیر. کیتابین بیر اؤزل بؤلومو، «چکامه ای از حماسه کوراوغلو» دور کی تورکیه ده یازیلان کیتاب دا یوخدور. بو بؤلوم کیتابین چئویره نینین اؤز یازیلاری دیر کی بیر نمایشنامه کیمی او بیری بؤلوم لره آرتیریلیبدیر.
دوغرودان سیزجه رابین هود، بیزیم کوراوغلو یا چوخ اوخشامیرمی؟
کور اوغلو در ادبیات ملل
یازار: انور اوزون
چئویره ن: دارویش عاشوری
یایین ائوی: ندای شمس
یایین تاریخی: ۱۳۸۸
قیمت: ۴۲۰۰ تومان
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.