دیل بو سازدا، سئله بنزر
علی محمد بیانی - زنگان
تورکون دیلی موم کیمی دیر
آشیق لارین، ال لرینده
قالادیرسا، قوم کیمی دیر
آشیق لارین، ال لرینده
بو دیل بیزه نجات وئرر
دؤیوش لرده، قانات وئرر
بوز آت وئرر، قیرآت وئرر
آشیق لارین، ال لرینده
دیل بو سازدا، سئله بنزر
قاناد آچار، یئله بنزر
مکتب لی بیر، ائله بنزر
آشیق لارین، ال لرینده
بو ساز دئییل، اوسطوره دیر
اوسطوره لی، مفکوره دیر
بو ساز بیزه، دیل تؤره دیر
آشیق لارین، ال لرینده
بو ساز دئییل، اسلحه دیر
18 مین مرحله دیر
هر سیمی بیر ولوله دیر
آشیق لارین، ال لرینده
قانسیز دؤیوش سالان دیر بو
اؤلکه لری آلان دیر بو
تیمور دور بو، قالان دیر بو
آشیق لارین، ال لرینده
معناسینا سؤزو واردیر
هر سؤزونون رمزی واردیر
شامان لاردان، یادگاردیر
آشیق لارین، ال لرینده
15/02/1387
+ نوشته شده در Tue 17 Nov 2009 ساعت 10:15 توسط آخار سو
|
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.