اوچ ايل گئچدي. سون گؤروش بيرينجي آشيقلار بايراميندان نئچه گون اونجه اولدو. ديريکن بو بايرامي گؤره بيلمه دي.

  ... 

  گونش ايلي 1388 خزل آيي نين 22 ي دير. آرخاداشيم حميد ابراهيمي بگ له بيرليکده بارداغاج کندينه گئديريک. اود گونو 11:45 دقيقه  زنگاندان يولا دوشدوک. يانيميزدا يول خريته سي اولاراق يولو آزديق. پاپاييدان گئري دؤندوک. آزماغيميزين ندني بارداغاج کندي نين تابلوسونون اولماماسي ايدي. يالنيز چرچئوه سي نين دميرلري يول قيراغيندا يولچولارا خوش گلدين دئييردي! کنده ياخينلاشديغيميز زامان دؤرت بئش اوشاق چرخ سوروردولر. شوکور بگين ائويني سوروشدوق. شوکور آشيق ايزتين عميسيوغلو ايدي. ائولريني تاپديق آنجاق داوار يايماغا گئتميشدي. بير قاديندان آشيق ايززتين قبريني سوروشدوق.  « باجيم سيزه اونون قبرين گؤسترر » : دئدي. بو آرادا 13 ياشلي هوسئن ايززتين قبرين بيزه تانيتديردي. بو آن شوکورون گليني بيزيم يانيميزا گلدي. شوکورون آشقام (اخشام) گلمه سيني بيزه سؤيله دی.

    ... 

   کندين قبيرسانليغي کندين يانيندا ايدي. داغين دؤشونده. يوخاري چيخارکن 50 آديم آتماميش، ايلک يئني قبير داشي، اوستونده آدامسيز يازيلميش بير داش.

   آد 

  دوغوم ايلي 

  اؤلوم چاغي 

  سؤزجوکلريله سوسلنن قبير داشي.

  قبري ده قوربتده ياشاييردي. ديريليگينده ده بئله اولموشدو. ماراقلي سي «آشيق» سؤزجوگو بؤرکو اولان اليف له يازيلميشدي.

   ... 

   ايززته فاتيحه وئريب سونرا شکيل چکمه يه باشلاديق.

   ... 

   زنگانا ساري يولا چيخديق. بير داها دؤنمگي آشيق ايززته سؤز وئرديک