آشیق قافار
اجداديما فخر ائديره م من شهرتلي شانلي توركم
حاققام حاق يولا گئديره م انسانام وجدانلي توركم
دوستو سئوره رم جان كيمي هاردا وارسا انسان كيمي
ياغي لارا اصلان كيمي بيل گؤزلري قانلي توركم
آنا تبريز شهريمدير دان اولدوزلو سحريمدير
يوز مين ايلليك ثمريمدير داغلاري دومانلي تورمن
وطن باغي شيرين بارلي انسانلاري دوز ايلقارلي
صداقت لي اعتبارلي من سلطانلي خانلي توركم
آتام بابام بللي ديرلر ائليم اوبام بللي ديرلر
بيل اقربام بللي ديرلر چوخ غيرتلي جانلي توركم
گلمه ميشم دوروبردن ياد اؤلكه دن ياد شهردن
داشي لعل تورپاغي زردن من آذربايجانلي توركم
آغري داغيم ساوالانيم كپه زده قاينايير قانيم
سئيرانگاهيم دير دولانيم قيلينجلي قالخانلي توركم
وطنيمدير آذربايجان بسله ييب دير گؤزل انسان
غفارام ائليمه قوربان حكيم لي لقمانلي توركم
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.