نیسگیلی تبریز

گولو ، گولزاری پوزولموش اوره یی قان، تبریز!

اولمادی  بیر جه ائشیدسین قولاقین جان، تبریز

ائله هر یئرده اود  اولدو سنه قوربان  اولاراق

دئدیلر سن  آناسان، کؤکسوله نیب یان،  تبریز

ایسته دی  جیرناقین  آتسین  وطنه  ییرتیجیلار

قویمادین  اوز گؤزو اولسون  وطنین قان، تبریز

چکمه لر چیخدی  سنین  چینینی ازدی نه یامان

سنی  دیرناقلادیلار  دوغرادیلار جان ، تبریز

سارماشیق تک دولاشیب بیر عومور حسرت جانینا

ایندیسه سؤز بو اولوب  گئرچگی  گل  دان ، تبریز

سوموگه  اوتدو  داها  بیر آجی  دردین  اثری

قارداشیلا  باجینین  آیریلیقین  قان ، تبریز

پایینی کؤرلامیسان  قور قوناقا، کؤلگه  لره

قالمیشام  بؤیله  نه ایشدیر  سنه  حیران، تبریز

باشینی  چن  دومان  آلدی  اوزونه  قار  دوشدو

اینانا   بیلمه ییره م   سن  قوجالیبسان، تبریز

داریخیبدیر  آنالار اوز  دیلینه لایلاسینا

یاندیریلمیش دیلیله سن یازاجاق سان، تبریز !؟

گله جه ک  سنله  منیمدی  ده ده قورقود   بالاسی

آلاجاقسان  یئنه ده  زیروه لرده ن   سان، تبریز

قاماشیر گؤزلریمیز  تاریخینی  ایزله یه رک

بیر عومور  اؤلکه میزه  شؤهرتیله  شان، تبریز

نه  پاخیللیق  ائدیر م  بلکی ده  آنجاق  سئویرم

ائلمانام  بیر  قورو جانیم  سنه قوربان، تبریز

 امیر نصیری  ( زنگانلی ائلمان )