آنا تبریزیم
(( آنا تبریزیم ))
اوره ییم کئدرله دالغالانیردی
دولموشدوم دوم دولو ، بیر بولودو کیمی
آغلاماق ایسته ییردیم
بیر اوشاق کیمی
کیمسه یه م ،
کیمیم وار،
نئیه ، آرخالانیم!؟
پارتلاماق ایسته ییردی بو دولو بئینیم
سانکی لاپ بیر دنیز دلی لشمیشدی
چیرپیردی اوز گؤزون داشا آدایا
یوخسادا بیر یازیق یازیق لاشمیشدی
داها لاپ نیسگیلیم آشیب داشیردی
نئیله ییم فیکیری بوغور دو منی...
آی اوغول آچگینان تلویزییانی :
ایگیرمی خبری باشلانار ایندی
بیر گؤره ک وطنده ناسیل خبرلر ؟!
بو سسه بیر آندا اوزومه گلدیم .
گؤز اوسته آی آتا
آتامدا بیلمه ییردی منه نه اولوب
دئدی کی بیر آغا بوراسی تبریز
ائل گؤلو گؤزلرین قاراسی ، تبریز
اؤلکه نین درمانی یاراسی ، تبریز
آدینا گؤوه ندیم آنا تبریزین
کئدریم دولانیب گؤله شه دؤندو
کئدریم دولانیب گؤله شه دؤندو
امیر نصیری ( زنگانلی ائلمان )
zanganli elman@yahoo.com
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.