آنا
ماحال لاردا آدین واردی
منیم اؤلکم ائلیم تاریم
خوش گونلریم سنده گئچدی
سولمامیشدان گولوم تاریم
حاییف سندن آیریلمیشام
قوربت ائله ساریلمیشام
دای قوربتدن یورولموشام
یادا دوشوب ائلیم تاریم
کؤنلوم جامالینا اویغون
هئچ اؤلمارام سندن دویغون
اورگیمین باشی سولغون
یاندیم قالدی کولوم تاریم
فلک سنه گون آغلادی
منیم باغریمی داغلادی
گیلاندا سنله لاخلادی
دئییم دوتمور دیلیم تاریم
تاریملی یام قوجالمیشام
هوشوم چاشیب گیجالمیشام
شوهرتینله اوجالمیشام
سنه سجده قیلیم تاریم
آنا
آنام منه من آناما
لای لای دئدیک بیر بیریمیزه
او بئشیکده من مزاردا
نه لر گلدی باشیمیزا
او دئدی یات بالام لای لای
دردین بالان آلام لای لای
بیز دئدیک وای آنام لای لای
باجیملان بیز ایکیمیزه
او دئدی لای لای بیز یاتدیق
یاتیب شیرین یوخو توتدوق
بیز لای لای دئییب آغلادیق
بالالار قوشولدو بیزه
دویمادیم شیرین دیلیندن
بولبول دویارمی گولوندن
بو کور فلکین الیندن
آغی دولدو آشیمیزا
چینین ترپتدیم آنانین
تلقین دئین دئدی نامین
ارنلرین بیر بیر هامین
کومک اؤلسون آنامیزا
امک وئردین قانا قانا
باجی سیلن اسد خانا
واللاه دؤزه ریک هیجرانا
حقین حلال ائتسین بیزه
10/10/81 زنگان
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.