گول درمک
اییلمه دیم مگر، گول درمک ایچون
زنگانلی عاصم اسدی
کیمین قصدینه داش ،گؤتورمک ایچون
اییلمه دیم مگر، گول درمک ایچون
قوناق قاباغینا ، گتیرمک ایچون
نه ییم واردی ائوده ، گولدن ساوایی
سو گلیب سن اگر، بئله جالان کی
اود گلیب سن اگر، بئله جه، یان کی
یئل گلیب سن اگر، بئله دولان کی
هئچ نه اویناماسین ، تئلدن ساوایی
سانکی بنووشه تک دوز قیزی دوز یوخ!
سانکی منیم کیمی سؤز اوغلو سؤز یوخ !
بیر یولا چیخدیق کی ، بوکمه لیمیز یوخ!
بویوندان ساوایی، بئلدن ساوایی
نه یاخشی کی گلدین ! گومان آزالدی
آزی ، مین مووجوزه اومان آزالدی
ای ترسه مسیحیم ! کی جان آزالدی
هئچ نه سؤیله مه دین «اؤل»دن ساوایی
بیر باهار یاشادیم تقویم لر کیمی
سنلن ای الیمدن اوزولموش پری
بیر باهار یاشادیم تقویم لرکیمی
من سنی یئتیردیم گله جک یازا
قیشین سون گونونده بوراخدین منی !
دوستلارین آدرسی تئلفون نومرسی،
اؤلن لر ، کوسن لر، دفن اولدو منده
هله، نوروز گولو یولا چیخماسین
قالانلار کؤچدولر تزه تقویمه ...
ایندی کؤهنه تقویم زامان دالیندان
یالواریب کئچمیشه گتیردی سنی
ایندی گؤز یاشیلا ایسلات بارماغین
آغلیا ، آغلیا واراقلا منی !
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.