"سحر"دن پخش اولوردو .

تورکمن عائیله سینی گوستریردی.

 گئییم لر تورکمن, یئییم لر تورکمن, چادیر تورکمن.

 آپاریجی فارسجا دانیشیر بوتون ایضاحلاری او وئریر. عائیله نین بویوک اوشاقلاری دا دانیشاندا فارسجا دانیشیرلار. بلکه توصیه ایله . البته مدرسه ده ایشی راحاتلاشدیریب. اونلارین دا ایصراری یوخ .

هامی زادی گوسترمک اولار آنجاق فارسجا ایضاحلا. یالنیز دیلی گوسترمه یین.

کامئرالاری دیللردن اورکور.

 یالنیز دئمه یین بونلارین دیلی نه دیر مکتبلری وار یا یوخ. اوزلری ده دئمزلر چون اصلینده اوتانارلار. چون هله اوزلرینه ایفتیخار ائده بیلمیرلر.

کیمه پخش اولور ؟ ائشیکده کی لره.

 نه دئییر؟ دئییر ایراندا تورکمن وار.

 لیباسلاری بئله,  یئییم لری بئله, آنجاق دیلدن سوز گئتمیر بلکه بیله بیله!

یعنی ایران صولح یئری دیر باریشیق یئری دیر. هامی فارسجا دانیشیر آمما سوروشمایین قوجالار نییه اصلا دانیش(دیریل)میرلار. یا دا دانیشاندا لهجه ایله دانیشیرلار بو لهجه ائله تامام کنتدلی لرده اولار.

 قئیری تئهرانلی لاردا اولار.

 اونملی دئییل سیز بی خیال اولون .

بورا ایراندیر .

بیز باشارمیشیق یئنی نسلی فارس ائدک.

تورکمن دیرلر آنجاق بلکه کامئرا فاباغیندا, چادیردان ائشی یی گوسترمیریک بلکه گورنه کی بورا تئهراندا یاپیلان صونعی چادیردیر . تورکمن صحرانین چوللری یوخ.

بورا تئهران

ایچینده تورکمن ده وار آنجاق فارس تورکمن

اوزونوزو نیگران ائله مه یین

بولارین ائعتیراضی یوخ

چوره یه گوره هر نه یه باش اییبلر

اوزلری اییبلر

اییلیبلر

آماندیر اصالت لرینی یادلارینا سالمایین

اوندا

ایرانا

ایسلاما

آللاها

دوشمن

اولارسیز.