طنز
« اينتيخابات گؤنلری »
قاپ باجا اولدور يئنه ده شر شکيل
هامی اوزون اولدورور اولسون وکيل
گلدی خبر کانديدادان دوستونا
چک رقيبين عکسينی جير تئز اکيل
آئيری رقيب امر ائله دی دوستونا
کول باشينا قويما الين قوينونا
گلدی خبر عکسيمی بانناتديلار
دور آياق اول تئزجه وئره ک بوينونا
بير نفری ايش خانادان سؤيله يير
دوشدو تريبون اله گور نئيله يير
رای بيری اون مين تومن ای وای گلين
هامميسی جوکدور دئييرم سؤ زدئيير
بير نفری عدليده ن آنجاق ده يير
توربانين آغزين بالاجا بير ايير
رای بيری بير پرس فيسينجان پلو
کيم آپارير کيم سؤوورور کيم يئيير
بيرنفری سسله يير ای وای گلين
شهريميزين کانديدی اولدوم بيلين
سيزمنه گر رای وئرسیز من سيزه
اؤيره درم يير يئمه نين ديل ميلين
کانديديميزدن بيری سی سؤز يازير
دورت کله مه سؤزده اوچونده آزير
اوز گؤزو قيپ قيرميزی بير آلما تک
يئر دئييسن برکدی آقا يئر قازير
بير نفری عکس ساليب گؤر نئجه
هرکولون آنجاق آدی قالدی بئجه
من بئله بيلديم آقا بوکسر اولوب
سؤيله ديلر کانديد اولوبدور گئجه
بير نفری اس ام اس آتدی منه
قوربان اولايدير بئله جانيم سنه
اس ام اس آتديم کی منه رای وئرین
شهريميز آباد اولاجاقدير يئنه
کانديد يميزدن بيرسی آغلايير
رحمه سالير هر اوره يی داغلايير
يالوارير ای وای منده رای وئرين
ميللتی آنجاق اودا بير جور يايير
بيرنفری چوخ بئله مظلوم باخير
گؤز ياشيم آلله اونو گؤرجک آخير
رحمه گليب من اونا رای وئرجه گين
اولدوز اولوب تئز هارا بيلمه م آخير
هاممی سی آنجاق اولوب ای وای يالان
تاکی چيخير يئدی اتاق بير دالان
مونشوسو سؤيلور آقانين واقتی يوخ
گؤرمک عزيزيم اولا بيلمز الان
ائلمان اولور بير جوت الی بير باشی
بيلمه يير آنجاق باشا سالسين؟ داشی
يوخسا اوتورسون يئنه دورت ايل تامام
يولداشی اولسون اوزونه گؤز ياشی
امير نصيری ( ائلمان زنگانلی )
1385.9.18
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.