زنگانیم
خیاوا ن ، نئیله ییب؟ چکیلیر دارا !
ماشین لار، قیسیلیر ، پالچیق دووارا !
هر نئسه ، سالیرلار ، یار یاریمچیلیق
آمبولانس ، ال ساخلا ؛ پلیس ! سن هارا ؟!
تیرافیک قویمادی ، یئتیشم ، یارا !
آغاردی ساچلاریم چئوریلدی ، قارا
سؤزلری جالیرلار ، یار یاریم چیلیق
طرحیلر پیله نیر اوزون زورنادا
ائشیدیر قاریشقا ، گؤیده دورنادا
فصیللر سؤووشور ایلد ن سونرادا
آرشیوده قالیرلار ، یار یاریمچیلیق
طییاره گؤیلرده قاناد چالماقا
کار کاندید ، اولانلار رأی قوپارماقا
بولبوللر ده ، گولون گؤیلون آلماقا
قارقادا ، آلیرلار ، یار یاریمچیلیق
اوچوشور گولوشلر آل دوداغیندان
توکولور گؤز یاشی آق یاناغیندان
یورولوب یوللارین قیر یاماقیندان
کؤرپولر سالیرلار! یار یاریمچیلیق
ائشیدیب سن البت نار ناغیل ، سنده
خان آغا هر زامان گئدرمیش ، کئنده
چوخ سؤزلر ایترمیش دوماندا ، چنده
ایندی ده قالیر لار یار یاریمچیلیق
نئیله مک !؟ داریخما ، سویوق زنگانیم
ازه لد ن گؤروبسن ، بویوق ، آی جانیم
قارانلیقدا دوروب ، گئجه نی دانیم !!!؟
اولدوز لار پاریللار ؟یار یاریمچیلیق !!!!!؟؟؟
امیر نصیری ( ائلمان )
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.