ای اؤزوندن بی خبر، گل حاققی تانی، سنده دیر،

گل ویجدان شهرینه سئیر ائت، گؤر آنی سنده دیر.

قاندادیر دییه نه سرگردان گزرسن ظن ایله

گزمه گیل هر منزیلی چون جان مکانی سنده دیر.

من نه وجهیلن دئیم حاققی کی، سندن آیریدیر

چون گؤزومله گؤرموشم حاققین نیشانین سنده دیر.

بولبولی قودسی ایسن آیری گولوستان گؤزله مه

سئیره چیخ، روح امینین گولوستانی سنده دیر.

یئددی موصحفدیر یوزون، ایشته قرائتلن تامام

آلیم اول اول صبادان، چون صبع آگانی سنده دیر.

صورت و نیتتین کلامی لایزالی تا ابد

خالقا تفصیر ائیله چون شرح و بیانین سنده دیر.

ای نسیمی، منطق الطیرین بیانین ائیله کیم

بیله لر سیمورغی قافین آشیانی سنده دیر.