( حیزبیلیک )
آتلی لارین ان باشچی سی، بوسؤزو دئیره ک ؛ بیزده ن اوزاقلاشیردیلار؛بیز یولداشلار طرفیندن گلمیشدیک ویئنه ده گله جه ییک بو سؤزو بوتون کندین و قور قونشو کندلرین آداملارینا یئتیرین کی حیزبین آداملاری سیزه خوش گون وئرمییه جکلر ،نمه ده واریوخونوز واردی هامیسینی الینیزدن آلاجاقلار . من یولداشیم مشه رحیمله گؤجویله سؤرونه سؤرونه بیری بیریمیزه چاتاراق یامان گؤنویله ال قولوموزون آچماسینا چالیشیردیق . آنجاق قاش قارالیردی چؤلچولرین ائوه گلمک چاغیدی . بیردن یولداشیم مشه رحیم دئدی : اشی ائشیدیرسن؟ ائله بیل بیر سس گلیر ، دئدیم آی مشه رحیم ائله بیل آتلی لارین کؤتکلری سنه تاثیرین بوراخیب دیر، قولاقلارین سسه دوشوب . آی مشه بایرام نه تاثیری ؟ اشی نه دانیشیرسان !. مشه رحیم ائله سن دئیه ندیر بیرسس گلیر منده ائشیدیرم ، بیرزینقیرو سسینه اوخشاییر،قوی یاخینلاشسین گؤرک کیمدیر نه سسی دیر.یا آغام ایمام ایریضا بس مشه بایرام مشه رحیم بونه ایشدیر ! نئدنسه بو گؤنه دوشوبسینیز ! ؟ هانسی ظالیم سیزی بوگؤنه سالیبدیر ؟ آی مشد شیرنعلی هئله ال قولوموزو آچگیلان سؤز چوخدور سونرا دانیشاریق .ال قولوموز آچیلاندان سونرا بیز اولایی مشد شیرنعلیه دانیشدیق ، مشدشیرنعلی ده باشا دوشند ن سونرا دانیشیقا قیزیشدی : آخی بلکی بوساحات من چرچیلیکدن گلمه ییدیم اوندا سیزین ایشینیز بللی دئییل دی کی ؛ الله سیزی بوگؤنه سالانلارین ائوین ییخسین بس ایندیسه نئیله مه لیییک ؟ ایندیسه گره ک اوزوموزو بیر حکیم یوخسادا سینق چیا گؤسترک بوتون بئل بوخونوموزو آغری دوتوب سونرا دا کئت خودانی گؤرمه لیییک . آخی سیز گؤر نه قدر ناشی لیق ائیله ییب سینیز؟ سیز هئچ دئمیرسینیز کی بیز بیر بئله وار یوخوموزو، شهرده کی ائویمیزین پولون درده دئین زادلاریمیزی ،نئچه قاطیرا یؤک ائیله ییب بو ییئیه سیز چؤلده هارا گئدیریک ! کئت خودا بیز حیزبین تسللوطون وگؤزل ایشلرین و اوزگورلوک یارادماسین گؤروب داهاشهرده گؤنوموزو کئچیرتمه یی دوز بیلمه دیک اونا گؤره ده تصمیم دوتوق وار یوخوموزو پولا چئویریب تئزلیکجه کندیمیزه قاییدیب بیزده حیزبین یاردیمچیلیقیلا بیر تیکه یئره صاحابی اولوب و اوز آتا بابا ایشیمیزد ن یاپیشاق ؛ بیز شهرده فهله لیگیله گؤنوموزو گئچیردیردیک ائله اونا گؤره ده بو ایشی گؤردوک بیزی باغیشلارسینیز . ایندیسه ده دئییرسینیز کی سیزی حیزبین ( یولداشلارین ) آتلی لاری سویدولار؛ اشی هئچ بیلیرسینیز کی نمنه دانیشیرسینیز ؟ بوسؤز ایه م بؤیوک یولداشین ( حیزبین ان باشچی سینین ) قولاقینا یئتیشسه سیزی باغیشلاماز، حیزبین مرامی ائله آدیندان بللی دیر قارداشلیق یولداشلیق بیرلیک... نه کی اوز میللتین سویماق ، سیز هاردان باشادوشدوز کی سیزی سویان آتلی لار حیزبین آداملاریدیر ؟. آخی اونلار بیری بیرین یولداش یولداش سسله ییردیلر . یاخشی اونلارین باشچیلاری نه جور آدامیدیر نه قیلیقیدیر؟کئت خودا بیر اوزون بیقلی ، قارا، اوجا بوی کیشیدیر. مشه رحیم سن سؤیله گؤر ک نه جور آدامیدیر؟ کئت خودا ائله مشه بایرام دئدیکلری هامیسی اوندا واریدیر آمما لاپ چوخ بیر زاد اوندا گؤزه چیرپیردی، اونون سول قولاغینین اوجو ائله بیل ایچه ری قاتلانمیشدیر یوخسادا یوخویدور .یاخشی مشه رحیم چوخلودا اؤسگوروردو یوخ ؟ دانیشاندادا چیغیریب یولداشلارینا یامان دئییردی یوخ ؟ ائله اوجورودو کئت خودا سیز هاردان بیلدیز ؟ آی مشه بایرام مشه رحیم ناراحاند اولمایین واریوخونوزو اونلاردان آلارام و اونلارین آمانلارین کسرم ؛ داها سیز دورون گئدین ایشینیزین دالی سورا ، قالان ایشی من بیلیرم نئیله یم ،یاخشی کئت خودا ائله بیل کی سیز اونلاری تاناییبسینیز اونلار کیمدیر ؟ داها سیزین هله لیک هئچ زاد دا ایشینیز اولماسین، من گره ک صاباح بو اولایی حیزبین باشچی سینا یئتیرم. سحر چاغی کئت خودا بیزیده اوزویله شهره آپاریب بؤیوک یولداشین تیکینتی سینه چاتدیق . بیر بؤیوک وگؤزل تیکینتیدی قاپیسیندا دوران عسگرلر کئت خودانی تاناییب سالام سؤیله ییب بیزی تیکینتی نین حایاتینا آپاردیلار .کئت خودا عسگرلرین بیریسندن سوروشدو اوغول آغانین تشریفی وار؟ عسگردئدی واردیلار کئت خودا خئییر اولا!خئییردی اوغول . بس کئت خودا سیز ائیله شیب بوردا بیر چوبوغ آلیشدیران زامانا من ایچرید ن سیزه خبر گئتیریم. کئت خودا چوبوغونا بیر ده ده لی نه نه لی پوک ویریب دئدی مشد بایرام، مشد رحیم ،آغانین قوللوغوندا هرنه مه نی دوز و یئرلی یئرییلن آغایا دانیشارسینیز هر نمنه ده سیزدن سوروشدو اونا جاواب وئررسینیز . گؤزلریمیزین اوسته کئت خودا . کئت خودا چوبوغونا ایکینجی پوکو ویریب دئدی باخین؛ بو ایشده گره ک چوخ دیققت اولونا سیز منه دئدیکلریزله منده اوز حسابیمی گؤرموشم آمما اگر سیز دئینلرله منیم فیکیرائله دیییم دوز اولماسا مومکوندور بو ایش نئچه سینین آبیریلا قورتارا، دوز فیکیرلرینیزی ائیله ییب هوش هاواسینیزی ییغین بیر یئره . گؤزلر اوسته کئت خودا . بیزه ایجازه وئریلدی آغانین قوللوغونا گئدیب و آغانین ایشاره سیله یئره اوتدوق .آغا کئت خودایا باخاراق بویوردو کئت خودا داها لاپ قوجالیبسان، باش گؤزونه چن دوشوب ؛ بیزده ائله سیزین کیمی دوزگون کیشیلره اومود باغلایاراق بو یول وموباریزه نی باشلاییب شاهین قارشیندا دایانیب،و اوز یوردوموزون ، آناوطنیمیزین وخالقیمیزین اوزگورلوگونه چالیشدیق وسونوندا دا بو بؤیوک ایشه و موقددس دیله گه چاتدیق و ائله یئنه ده خالقیمیزین اومودویله یولوموزا داوام وئریب ظالیملرین اوغروندا دایانمیشیق . بیز بوسؤزلری ائشیدرک هئچزادی باش تاپا بیلمه ییردیک تکجه فیکیریمیز الیمیزدن گئدن وار یوخوموزیلا، آغا بیزه نه دئیه جه گیدی! . آغا دانیشاراق امر ائیله دی ایکی قلیان اوزلرینه و ایکی چایدا دا بیزه گئتیردیلر .من قورخوردوم داها چوخ اوتورساق اوزوموزو ایتیرک دئمگ اولار کی بیزی اسمه دوتموشدوق آرزیلاییردیق بیر یئر آچیلا بیز گیزلینجه چایلاری یوخ ائیله یک ، بیرد ن کئت خودا بیزه باخیب بیلیندیردی کی چایلارینیزی ایچین، آنجاق بیز هئچ بیلمه دیک چایلاری نئجور ایچدیک .آغا سؤزون دئییشیب بویوردو کی یاخشی کئت خودا ایندیسه سؤیله گؤروم نئیه گؤره گلیبسن؟باشقا بیر یئنی خبر واردیر یوخسادا توممه تین خانین توطیئه سی سیزی ده دوتوب ؟ کئت خودا بیر یامان تعجوبیله سوروشدو نئجه کی خانین توطیئه سی ! نه توطیئه سی ؟! آغا بویوردو هئچ ائله بیل کی سنین طرفینده هئچ خبر مبر یوخدور! تای قولاق عابباس آدیندا بیر ملعون نئچه باشقا الله سیز و قاچاق خانین نقشه سیله نئچه کندین آداملارین سویوب وحیزبین آدیلا قاچیبلار ؛ ایندیسه ده اونلاری قارلیق یولوندا دوتوبلار ، دستور وئرمیشم او ملعونلاری بورا گئتیرلر گؤروم اونلارین داها نمنه نقشه لری واریمیش ؟. آغا ائله دؤننلری بوایش بیزیم کندین چؤلونده بو ایکی بئچارایا اوز وئریبدیر.اونلارین نم نیشانین ائله بولار منه دئجه گین من او ملعون تای قولاغ عابباسی تانادیم گئچمیشلرده او توممتین شاهین داشین چوخ سینه سینه ویراردی بس ائله اوزلریدی آغا ائله اوناگؤره ده قوللوغونوزا گلمیشیک .
امیر نصیری ( زنگانلی ائلمان )
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.