گودوکچولر
« گودوکچولر »
گودمه یین سیزده، منی !
چونکو من، بیر جه اورکده، گودولوردوم، بیر عومور
ایندیسه گؤیده شاتیل، اویدولاردا !
و آچیق سؤیله میرم دیسکینر اوندا دامیمیز
چینینه بویماق اولان ، آغ ، قارا سیمده
و گؤزل سیستیماتیک ال قوتوسوندا
و گؤزل سیستیماتیک ال قوتوسوندا !
گوناهیم ،؟ تکجه دوشونمک و اونون سئومه سی دی !
نه گؤزل وورغون اولوب دونیا منه ؟!
یوخسادا، شهریمیزین وارلیسیام !
هامی گؤز ،
هامی گودوکچو !
کؤچه ده
یولدا
دوواردا !
و دمیر یولدا قاطاردا !
و دمیر یولدا، قاطاردا ...
اینانا بیلمیرم اگنیمده اولان، پالتارا دا
ال ویریب آلقیش ائدن، ایلقارادا
کؤچه ده آل وئر ائدن، سیمسارادا
و بوتون باغچادا کی، قوشلارا دا
قاپیدا در دمیره، یوللارادا
و گؤزل تکجه سئون، دیلدارادا !
گودمه یین سیزده، منی
گودمه یین سیزده، منی
گودمه یین سیزده، منی !
امیر نصیری ( زنگانلی ائلمان )
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.