دیله ییم
اولو تانریم بودور سندن دیله ییم
اینسان آرسیز اینسان غم سیز اولماسین
هامی دونسون اوز ائلینه اصلینه
هئچ کیمسه نین آنا دیلی سولماسین
گؤ رچینلر قاناد لانسین گؤیلره
باهار گلسین چیچک چیخسین ، چؤللره
آشیق چالسین توی هاواسین ، ائللره
باغ باغچالار گول بولبولسوز اولماسین
هر بیر اینسان اینسان ، کیمی یاشاسین
مرد اوغولون (( ائلمان )) آلار قاداسین
ظالیملرین سن دوتگینان یاخاسین
دوشونجه لر بوزا چؤنوب دونماسین
اینسانلاری موحتاج ائتمه نامرده
ظالیملری سالگینان بیر پیس درده
ال آیاقدان سالیب ، قویما چوخ یئرده
عومرونو آل ، جانسیز، یئرده قالماسین
آنلامازا وار یئرینه ، عاقیل وئر
اکینچی نین کندیسینه تاخیل وئر
یازیچی نین قلمینه ناغیل وئر
ائلیمیزین یولون الدن سالماسین
«ائلمانام» من ائل یولچوسو اولموشام
قارلیق کندینده ، آنادان، اولموشام
قؤرآلی نین ، زیروه سینده قالمیشام
آرزیم بودور آنایوردوم سولماسین
امیر نصیری ( زنگانلی ائلمان )
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.