داغ / سویلر زنگانلی
" داغ "
ائلیمدن اوبامدان ، هامیدان ایراق
گلمیشم سّریمی سنه دئییم داغ
شهرتین ازلدن دوشوب دیللره
مثلده سؤیله نیب ، داغ کیمی دایاق
ازَلی آنامسان ! بسله دین منه
اتگینده قیشلاق ، سینه ننده یایلاق
هر داشین پناه دیر ، هر کولون قوجاق
کهلیگه ، جئیرانا ، مارالا یاتاق
گلدیم اوره گیمین توزون کدرین
یووا اتگینده ، آخیجی بولاق
سنی گؤرنده گؤز آچیر کؤنول
گول گؤرنده گؤز آچیر کؤنول
گول - چیچکدن آلیر باشقا دیل داماق
نه گؤزه ل تیکیلیب اوجا قامته ن !
- چمندن آرخالیق ، بولود دان پاپاق
قیرولو قاشیندان ، آلا گؤزوندن
یاراشیر تؤکه سن بیزه قاش قاباق
گلیره م ! باخیشیم یاریر دومانی
یئنی زیروه لردن دوتارام سوراق
باشیوا کولکلر ییغیب ییغیناق
اتگینده یانیر لاله دن چیراق
یولومو دولاسان چَنه ، بورانا !
یئنه ده گله رم ساخلامام آیاق
گؤزه لیم قاییتمام ایر اولسادا
شمشیرین ایلدیریم بوزلارین بیچاق
سندن آیری دوشوب درده دولموشام
گلمیشم سّریمی سنه دئییم داغ
سویلر زنگانلی (عباس آقا بابایی)
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.