یئرلی سوزلر / مصطافا رزاقی
جله cələ
ساراب
دئیه ن : گنجعلی ناظر بچه 12/9/1387 تهران
توپلایان: موصطافا رزاقی
جله cələ
(ساراب) کهلیک توتماق اوچون اونون یوواسی نین آغزینا قورولان تله. دوزاق (زنجان). آت توکونون دورد یا 8 قاتیندان حلقه دوزلدرلر. آت توکو موحکم اولار و حلقه شکلینی حیفظ ائدر و دیک دایانار . قارا اولار کول لاردان سئچیلمز. حلقه نین بندی نی بیر آز فاصیله ده داش آلتینا قویوب موحکم ائدرلر. یووانین هر آغزینا اوچ دنه جله قورارلار. جله لر یووانین یولو اوستونده مووازی اولمایاراق بیر بیرنده موختلیف زاوییه لرله قورولار. بونون دلیلی اودور کی، کهلیک جان قورتارمایا و اونلاردان بیرینه دوشه. کهلیک، یوواسی نی کول ایچینده دوزلدر و گئدیب گلدییی یولو دیققتله تمیزله یر. بعضی یووالارین بیر دن آرتیق یولو اولار. هامیسی نین آغزینا جله قورولار.
ایضاح لار یانلیش دیرسا اوخوجولاردان ریجا اولونور دوزلیش وئرسین لر.
بولمه: یئرلی سوزلر.
آچار سوزلر:کهلیک، جله، دوزاق ، ساراب، زنجان.
===========
تک ارقج tək ərqəc
زنجان
دئیه ن: لئیلا مورادی 16/9/1387 تهران
توپلایان: موصطافا رزاقی
تک ارقج tək ərqəc
(زنجان) بیر نوو الده توخونما خالی (فرش). ظاهیرن ایکی نوو وار. (بونلار هامیسی تحقیق ایسته ییر.) بیر اوزلو، ایکی اوزلو. اونون ایپ لری دزگاهین دالیندان دولانیب گلمیر بلکه آشاغیدان یوخاری چکیلیر و یوخاری دا اوفوقی حالدا دونوب یئنی دن دزگاهین قاباغیندان آشاغی گلیر ویئنه دزگاهین فاباغیندان یوخاری گئدیر. بونا کند فرشی ده دئییلیر. زنجانین چاپیق کندینده توخونار. هر لایی قایچی لانار. توخوماغی دا فرق ائدر.
ایضاح لار یانلیش دیرسا اوخوجولاردان ریجا اولونور دوزلیش وئرسین لر.
بولمه: یئرلی سوزلر.
آچار سوزلر: فرش، تک ارقج، زنجان، چاپیق.
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.