اولمه ییمین تیکراری!
اوره ییم یاری سئویر یار اوره یی اغیاری
گره ک اغیاریله یولداشلیق ائدیم من باری!
او قدر آغلامیشام گوزلریمه قاره دوشوب
یول گئدنده گرک ال لمس ائله سین دیواری
تب ایچینده یانیرام هر گئجه عشقین اوتونا
نولا گر بیر یول عیادت ائله سین تبداری!؟
بئلی سین سین فلکین من کیمی دوشسون یاتاقا
ییخسین آخر ائوینی اوز پوزولان پرگاری
بی اراده چئویریر گوندوزو توتقون گئجه یه
"بی اراده بشرین مقصدی اولماز آری!"*
نه مصیبت باشاریبدی باشیما گتدی منیم
سالیب آتدان قوجادیب ییئخدی من سالاری
من کی دای گئتمه لیم یولچو گرک تئز گئتسین
سوروشون کیمدی بو گونلرده اونون دیلداری!
تاپشیرین گلسه مزاریم باشینا تک گلسین
لاله زار ائیلیه جک گلسه بوتون یوللاری
گتیسه یارینی قبره یئنی دن اوللم من
اونو بد نام ائده جک اولمه ییمین تیکراری!
منه باخ!خام خیالیله یئنه قول بویونام
جان دوداغیمدادی رنگ روخوم اولموش ساری!
دیری لیکده منه ذره ئجه وفا ائیله مه ین
من اولندن سورا ترک ائیلیه جک اغیاری!؟
زولفون افشان ائده جک اوزده نقابین آچاجاق
هر یئره سیره چیخا گرم اولاجاق بازاری
یول آزیب من یاتان اطرافه گلن وقته گرک
یاتمایایدیم سوارایدیم او گله ن یوللاری!
توپراق آلتدا اوجادان من اونا قوران اوخورام
نظره گلمه یه تسبیح ائده جم غفاری!
آددیم آتدیقجا دورایدیم دولانایدیم باشینا
اویاغام آمما گرک خوابه گئد م اجباری!
سالار عبدی-12/2/85
*حاج غلامرضا عینی فرد دندی.
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.