یا ایمام ریضا
یئنه میلیم دولانیب شاهی خراسانه ساری
کویونا اوز قویاراق بیرده اوپم من اول یاری
یئتیشیب شیکوه ائدم آیریلیقین دردیندن
توپراقیندان گتیرم درمان ایچین درده ساری
یئنه پروازه چیخیب شوقوم اول جانانه ساری
چاتا بیلسیدی الیم من داغیداردیم بو زاری
جیرانا ضامین اولان سن منه ده ائیله نظر
منی ده ائیله ضیمانت قوتاریم دای بو داری
بولبولون آرزی سی دی بیرده یئتیشسین باهارا
عاشیقین آرزی سی دی بیرده یئتیشسین نیگارا
منده یا یابن الحسن بیرجه گورچین کیمی یم
چیرپینیر دای اورییم بلکه چاتا الیم یارا
حرمین یاده دوشوب بیر سورو قوشدان یازیرام
قیزیل ایواندان اوپوب،دویغولو داشدان یازیرام
یئنه جیران کیمی من ، آخ نئجه سن سیزلمیشم
داها سن سیزلیگی باخ، بیر یکه زیندان یازیرام
داها روحوم اوچاراق گؤیلره یار آختاریری
بیر خزاندان یورولوب ، بارلی باهار آختاریری
گلیر آنجاق آقاجان سندن اوز الهامین آلا
بو یالان دونیاسینا ، دوغرولو وار آختاریری
ای غریب الغربا ملک خراساندا قالان
صاحیبی عصری یئتیر ، قلبیلر اولدو نیگران
گولشنه اود توکولور ، گول چیچک الدن گئدیری
یاغ یاغیش ، قالدی سوسوز گولشنیمیز سولدو،جالان
امیر نصیری ( زنگانلی ائلمان )
09191410881
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.