زنگانلی حکیم هیدجی
ائتمه میش اول شاهد رعنا بزک
پرده نی سالمیشدی اوتورموشدی تک
نه آدی بیر یئرده نه دیلده سوزی
عشق اوزی ، عاشق اوزی ،معشوق اوزی
شانه چئکیب زولفونه اول خوش خرام
دوردو ایاق اوسته دئیشدی مقام
اولدی بو بیر جلوده ده کل جهان
ذره صفت گون ایشیغیندان عیان
ایسته دی ائتسین اوزونی آشکار
غیب و شهود عالمینه هر نه وار
دیشره چیخیب پرده دن ائتدی نظر
دان سوکولوب اسدی نسیم سحر
گئچدی قارانلیق گئجه اولدی گونوز
صورتی هر گوزگو ده گوستردی اوز
گوزگو اگر آسته اگر اوسته دور
یوز اولا یا مین، بیر اوزی گوسترور
هر نه دییر اوزگه سوزی پوچ دور
اول کی گوره ر کی گوزی لوچ دور
کون و مکان دیر اوزونون سایه سی
سایه سی دیر مایه لر دن مایه سی
جمله اودور غیر ، قیودات دیر
وحدتی اسقاط اضافات دیر
وحدت و کثرتده ارنلر سوزی
عارفون اولسون گرکیکی گوزی
صرف حقیقت کی اولور آشکار
گوزدن ایتیر آد و سان هر نه وار
نه گونه نه آدی نه اولدوز قالیر
پرده نی ساللار گئنه یالقوز قالیر
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.