تبریز
قوجا تبریزیم
گیئلیلی ، گیئلیلی دانیشیرام من
اود دوتوب یانیرام ؛ آلیشیرام من
کؤسوره م یئنه ده باریشیرام من
یور یورغون آنامیز آی قوجا تبریز
چیینینده وطنین آغیر موحنتی
آرنیندا کیشیلیک تؤزو صوحبتی
آجی آغزیمیزین شیرین شربتی
باشین لاپ اوجالسین آی اوجا تبریز
کؤکسون چوخ اوخلانیب وطن یولوندا
کئفله نیب قوسوبلار ساغلا سولوندا
یارالار یئری وار خسته قولوندا
ایندیسه چیخیبسان لاپ اوجا ، تبریز
چوخ زامان توکولوب یار یارپاقلارین
حراجا قویولوب میوه باغلارین
نیسگیللی دومانا جوموب داغلارین
چوره یین داغیلیب مین آجا تبریز
اودلانیب مئشه لر ، گوللر چؤلونده
قانیلا اوزوبلر غازلار ، گؤلونده
گورونور سازینین حسرت ، تئلینده
وارلیغین گئدیر میش لاپ باجا تبریز
ایسته ییب باش آغری گلسین بیر یانا
دردیله آغرینی آلیبسان جانا
دگیرمانین آلت داشی سن سن ایرانا
جیزلیقین یاپیشیب لاپ ساجا تبریز
ماسکونو ، لندنی سارسیلتدین آنجاق
شرفین ، غیرتین کانیسان : قوچاق
یوردوما ازه لدن اولوبسان اوجاق
گؤوندیم باشیندا من تاجا تبریز
فخریله باخیرام گؤزه ل ایزینه
قوربانام یوخوسوز آییق گؤزونه
ائلماندا زنگاندان گلیر سؤزونه
دوغرودان اوجاسان ، سن اوجا ،تبریز
امیر نصیری ( زنگانلی ائلمان )
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.