آروادلا کیشی
( آرواد )
دو ر آيا قا گؤر نه اولوبدو ر کيشی
کيم بئزه ييب دير بئله بير پيس ايشی
قيزلاريلا اوغلانی سئچمه ک چتين
اوغلان اؤزون آرواد ائديب قيز کيشی
( کيشی )
باخ گؤزه ليم درديمی دينديرمه چوخ
پيس گؤنه قالديخ داها هئچ چاره يوخ
گؤن گلير آرتير بؤيو نا شالوارين
ديل دولاشير پؤز يوخاری دويغو يوخ
( آرواد )
آی کيشی دور ياتما گؤره ک نئيلييه ک
باشقا ديلی بيز نه قد ه ر چينييه ک
قافيله ده ن گؤر نه يامان قالميشيق
بيزنه قد ه ر اود دا يانیب گؤينييه ک
( کيشی )
آی گؤزه ليم ياتماميشام بيلگينن
ائللريمی آتما ميشام بيلگينن
قايغی دولوب کؤکسومه داغلار بويو
يوخ قولاق آرواد ، دانيشام بيلگينن
( آرواد )
آی کيشی ايللر بويودو رسؤيله ديک
قار قاريشيخ ديللريلن لؤيله ديک
بس دئمه لی آللادیب اوینادیلار
قوللوق ائديب کيمسه لره بيلمه ديک
( کيشی )
نئيله ييم آروا د دوراجام چيرپيشام
بير يوخولو ميللتيلن قارپيشام
آلاديب اويناتديلار آزديرديلار
يا نه گليب باشيميزا قالميشاملب
( آرواد )
من دئميره م دور کوچه لرده ساواش
سای قولاق اول گؤر نه اولوبدور ياواش
کيم پيشيريبدير بيزه بير بؤيله آش
بير ائلی آغلاتدی گؤزو اولدو ياش
( کيشی )
تانری اؤزون داديميزا چاتگينان
قاز کؤکونو تير تيکانی آتگینان
قؤی گؤزه ليم بيرده منه سؤيله سين
چيخدی گؤنش ايندی راحات ياتگینان
امیر نصیری ( زنگانلی ائلمان )
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.