داریخما آقارداش
داریخما آرخاداش
آرخاداش اوخودوم گؤزه ل شعرینی
گؤزلرین اوستونه سالدیم یئرینی
نادانلار نه بیلر زامان سحرینی
داریخما یئتیشر باهار گؤنلری
آچاجاقدیر زامان بو دؤیونلری
آراشدیرار زامان تاپار دوغرونو
بوشلار گوناهسیزی دوتار اوغرونو
آی گؤزه ل قارداشیم ائلین یورغونو
داریخما یئتیشر باهار گونلری
وورغونا گرکدیر چتین گونلری
داغلارین زیروه سی چن دومان اولار
دنیز لر ییغیشار بیر عومان اولار
تیر تیکاندا بیر گون سارالار سولار
داریخما یئتیشر باهار گونلری
ائلچی یه گرکدیر چتین گونلری
یولونا داوام وئر یولدا اینجه لر
یورغونلاردا گؤزه ل بیر گون دینجه لر
یئتیشر گؤنش لر باتار گئجه لر
داریخما یئتیشر باهار گونلری
گوره جکدیر چمن گول بولبوللری
وطنیم ایراندیر اونا جان گره ک
دینیمیز یولوندا اؤلوب قان وئره ک
قوی آباد یاشاسین بو زنگان ، اوره ک
داریخما یئتیشر باهار گونلری
قوجالتدی ائلمانی زامان گونلری
امیر نصیری ( زنگانلی ائلمان )
1/11/1386 آقای امامعلی دادخواه جینابلارینین بایرام آیلیغیندا چاپ اولموش شعرینین جاوابیندا
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.