بو گونو تبریک دئیه رک ،یئری وار آد آپاراق آزربایجان اوشاق ادبیاتینا عؤمور،جانینی قویان

« صمد بهرنگی» دن.« ادبیات کودکان و نوجوانان» آدلی بیر کیتابدا،یازیجی قید ائدیر،1340دک­

اوشاقلارین­حضورو اوشاق ­ادبیاتیندا­ چوخلو آزگؤرونور،بوتون حیکایه لری حیوانلار یارادیرلار؛آمما صمد بهرنگی بو سدی سیندیریب اوشاق ادبیاتیندا یئنی بیر فضا یارادیر.بو یازیجی صمد بهرنگی نین نقشینی اوشاق ادبیاتیندا هانس اندرسن له مقایسه ائدیر. « عباس یمینی شریف» فارسجا اوشاق ادبیاتیندا چالیشان،معتقددیر اوشاق ادبیاتی گرک یالنیز شنلیک لری اوشاقلارا یئتیرسین ؛آمما صمد بهرنگی دئییر، اوشاق ادبیاتی گرک بیر کؤرپو اولسون،اوشاقلارین خبرسیز،رنگلی و بؤیوکلرین قارانقولوق،خبرلی،آزجادا آجی دونیالارینا. صمدین «قارابالیغی» کی اوشاقلار کانونو اونو چاپا یئتیریبدیر،1347-ده فرشید میثقالی چکدیگی شکیللره گؤره، بولونیا(1) جایزه سین آلیر.صمدین اؤزو یوخسا اثرلرین تانیماقیچین «صمد ساختار یک اسطوره» کیتابینی اوخومالیسیز.1300-جی ایلینده­ده،اوشاق ادبیاتیندا بؤیوک بیر ایش گؤرولوبدور؛

جبارعسگرزاده(2) بیرمعللیم،آزربایجان اهالیسیندان ،تبریزده بیر اوشاق ائوی آچیر، اوشاقلار باغچاسی آدیندا، عسگرزاده چوخلو، اثرلری اوشاقلارا یئنی دن یازیر،شعر یارادیرو ... بو باغچادا عامیانه حیکایه لر نمایشنامه شکلینده اوشاقلارا اجرا اولونور.

عسگرزاده ،دولتی موظف ائدیر بوتون اوشاقلارین حضورونو مدرسه ده قانونو شکیلده قبول ائتسین.

بیز یئنی دن بو گونو تبریک دئیه رک بوتون اوشاقلار ادبیاتیندا چالیشانلارا یورولمویاسیز دئییریک.

توضیح لر:

1-     بین المللی بیر نمایشگاه دیر. 1967 تشکیل اؤلونوب اوشاق کیتاب لاریندا چکیلن گؤزل شکیل لر یییه لرینه جایزه وئریلر.

2-     تانیدیغیمیز جبار باغچه بان .

چوخ جالیبدی بو یازینین سونوندا دئییم بوتون اوشاق ادبیاتیندا اولان بؤیوک ایش لر آزربایجان لی لارین الینده اولوب.