یوبانسین
یوبانسین
اورك ايستير آي اوستونده يوبانسين
اؤزومدن اولدوز اولدوز دالدالانسين
درين درد دير داياز دورما اؤزومده
چتينميش كي بال اوسته دوز جالانسين
سئوينمزديم داها بيلسه يديم آنجاق
قاتيمدا قات باقات نيسگيل قالانسين
يازيق بختيم كيمي سون سارماشيقلار
ناحاقدير قويمارام سنسيز دولانسين
شيتيل بير آرزي وار قارشيمدا قويمور
چيچكلر منده آچسين، خونچالانسين
يوخويموش كي اوزاقلاردان گليردين
آيينديقجا اينانميرديم يالانسين
« گونش» وورقوندو قويما كؤلگه لرده
داغيلسين آدديم آدديم پاچالانسين .
گونش زنگانلی(نسیم جعفری)
+ نوشته شده در Mon 22 Oct 2007 ساعت 15:50 توسط آخار سو
|
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.