بو شئعر­تورك­دونياسينين­سايين«اوزان» ايسه«آشيق»  لارينا سونولور:

 

قوپوز لايلاسيلا ،ائل ماهني سيني

گئچميشدن ايندييه چالان، آشيق­دير.

ساواش گونو، قودوزلارين اؤنونده

توركولر سؤيله­ييب دوران، آشيق­دير.

 

وارليغيمين آرخاسي­دير، داياغي

اسكي لردن بيزه قالميش، ساياغي

سؤزلرينده ،اينجي،درين، باياغي

سئوگي­لر ناغيلين قوران، آشيق­دير.

 

گؤنول­لر تيكمه­ده، كعبه­لر ياپميش

كدر آليب ائل­لرينه شن ساتميش

دنيز كيمي اورگينده سؤز ياتميش

گله­جه­گي سنه يوران، آشيق­دير.

 

كرم اولوب ،اسلي­ميزي آرادي

خان چوبان تك، سئوگيلي­سي سارادي

دار گونونده، اولوسونا يارادي

ائليمين درديني سوران، آشيق­دير.

 

گديك اوستو، بوران يولو باغلادي

دورنا گؤروب احواليمي آغلادي

له­له گئتدي،كرم كاروان ساخلادي

«آخارسو» يو درده سالان، آشيق­دير.

تئللي سازي گؤزل چالان، آشيق­دير.

 

آخارسو زنگانلی