باسات بویو/
گونلرين بيرينده ياغيلار اوغوز ائلينه باسقين ائديرلر. بؤيوک بير ساواش اولور. ساواشدان سونرا اوغوز ائلي کؤچلريني چاتيب بير آيري يوردا گئديزلر. بير اوشاق کؤچدن دوشور قالير. حئيوانلار اوغلاني دؤیرهلهييرلر. آسلان پنجهسين سالير اوغلاني اؤزويله آپارير. اونا سوت وئريب بؤيودور.
گونلر گئچير يئنه اوغوز ائلي اؤز يوردلارينا دؤنور. چوبان داوارلاري ياييرکن بو اوغلانا توش گلير. چوبان تئز اؤزونو قازانخانين يانينا يئتيريب دئيير:«بير آسلانا اوخشار آدام ايلخييا گيردي.» اوروز قوجا دئدي:«کؤچرکن دوشوب قالان اوغلوموز اولا بيلير. »
ايگيدلر آتلانيب آسلانين ماغاراسينا گيریرلر. آسلاني قوووب اوغلاني توتوب یانلارینا گتيريرلر. بؤيوک قوناقليق اولور. نئچه يول اوغلان آسلانين ياتاغينا قاچدي. يئنه توتوب گتيرديلر. سونوندا ائلين آغساققالي دده قورقود گليب اوشاغا اؤيوت وئردي. آديني دا بوسات قويدو. بوندان سونرا بوسات اوبانين جاوانلارييلا قايناييب قاريشدي. بؤيودو.
اوروزون، ساري چوباني، قويونلاري اوزون بولاقدا اوتلاماغا بوراخير، قويونلار هورکورلر. او بولاغا پريلر گليب قونموشدولار. چوبان پريلرين بيرين توتور. اونونلا سئويشير.
پري گئتديگی زامان دئيير:«ايل قورتاراندا گل مندن امانتين آل. آما بيل اوغوزون باشينا زاوال گتيردين.»
گلن ايل يئنه اوغوز يايیلاغا کؤچور. چوبان بولاق باشينا گلير. گؤرور يئرده بير ييغناق دوشوب، ميرمير ميريلدايير. پري قيزي، ياخينا گليب دئيير:«چوبان بو سنين امانتين.» چوبان قورخوب ساپاندلا اونو وورور. ووردوقجا بؤيور. چوبان قويوب قاچير.
بو ياندان اوغوز ائلينين حؤکمداري باييندير خان اووا چيخميشدي. بو بولاغين باشينا گليرلر. گؤرورلر بورادا بير شئي ياتيب، باشي آياغي بيلينمير. هرهسي اونا بير تپيک ووردو. او ييغناق بؤيدو. بيردن ييغناق ياريليب ايچيندن بير اوغلان چيخدي گؤودهسي آدام. تپهسينده بير گؤزو وارايدي.
اوروز اوغلاني گؤتوروب دئدي:« خانيم! بونو منه وئره اوغلوم بوساتلا بير يئرده ساخلاييم.» بايينديرخان دئدي: «سنين اولسون.»
تپهگؤزو ائوينه گتيردی. بير دايه گلدي. اميشديرمک ايستهدي. تپهگؤزو بير سورغودا سوت، ايکي سورغودا قان، اوچونجوده دايهنين جانين آلدي. گؤنده بير قازان سوت اونا يئتميردي. بؤيوب، گزن اولدو. اوشاقلارلا اويناماغا باشلادي کيمين بورنون کيمين قولاغين يئدي.
تپهگؤزو، اوروزا چوغوللاديلار. ووردو. سؤيدو. اولمادي. ائودن قوودو. آناسي پريقيز گليب تپهگؤزون بارماغينا بير اوزوک تاخدي دئدي:«اوغول سنه اوخ باتماسين، قيلينج کسمهسين.»
تپهگؤز اوغوزدان چيخدي. ساللاخانا قاياسيني، اؤزونه يورد ائتدي. يول کسدي. آدام اؤلدوردو. نئچه آدام گؤندرديلر. اوخ آتديلار، باتمادي قيلينج ووردولار، کسمهدي. هاميسيني توتوب يئدي.
جاماعات ييغيليب اونو اؤلدورمهيه گئتديلر. تپهگؤز بونلاري گؤروب، يئردن بير آغاج قوپارديب اللي-آلتميش آدامي بيردن اؤلدوردو. تپهگؤزه باتابيلمهييب قاچماق ايسته ديلر. تپهگؤز اونلارين قارشيسیني کسيب بوراخمادي. يئددي يول بو ايشي گؤردولر، آنجاق قاچا بيلمهديلر. گئديب ائلين آغساققالي دده قورقودو چاغيرديلار. دده قورقود گلدي تپهگؤزون يانينا، دانيشدي. گونده ايکي آدام بئشيوز قويون راضي اولدو.
يونلو قوجا ايله ياپاقلي قوجاني تپهگؤزه وئرديلر اونون يئمهگين پيشيرسين. هر ائودن گونده بير اوغول وئريلدي.
قاپاغان آدلي بير کيشي وار ايدي. ايکي اوغلوندان بيريني وئرميشدي. يئنه سیرا دولانيب اونا گلميشدي. ننهسي گليب بوساتدان بير اسير آلدي. اوغلونون يئرينه وئردي.
اوروزا دئديلر: موشتولوق وئر، اوغلون گليب. ايگيتلر بوساتي قارشيلاماغا گلديلر. بوسات، آتاسين اليندن اؤپوپ گؤروشدولر. آناسييلا قوجاقلاشدي. بوسات قازاندان تپهگؤزله ووروشماغين ايجازهسين آليب يولا دوشدو.
تپهگؤز آرخاسي گونه ياتميشدي. اوخ آتير. اونا باتمير. تپهگؤز، بوساتي گؤرورکن اونو توتوب سالير چکمه سينين ايچينه. بوسات خنجرله چکمهني يارير. ائشيگه چيخير.
گليب قوجالارين يانينا سوروشور بونو نئجه اؤلدورمک اولار؟ دئديلر بونون تک گؤزو اتدير. اولسا يالنيز گؤزوندن اؤلدوره بيليرسن. قوجالار شيشي اوجاغدا قيزارديرلار. بوسات شيشي اونون گؤزونه باسدي. تپهگؤز نعره چکدي. بوسات قاچدي قويونلارين ايچينه دوشدو. تپهگؤز بيليب ماغارانين قاپيسين کسدي. دئدي: قويونلار بير- بير گل گئچ.
بوسات بير قوچ کسيب، گيردي ايچينه. گليب گئچنده تپهگؤز ياپيشدي قوچون بوينوزوندان. قالديراندا بوسات تپهگؤزون پاچاسي آلتيندان قاچدي. ماغاريايا گيريب قينسيز قيلينجي گؤتوروب، گليب.
تپهگؤز يالواردي آنجاق بوسات اونو بوغرا کيمي ديزي اوسته چؤکدوردو.
تپهگؤزون بوينوزون ووردو. کللهسين دلدي. يونلوقوجا ايله ياپاقلي قوجاني، اوغوزدان موشتولوق آلماغا گؤندردي.
بوتون اوغوز ييغيشيب ساللاخانا قاياسينا گلديلر. تپهگؤزون باشيني اورتايا قويدولار. دده قورقود گلدي قوپوز چالدي. بؤيوک قاهرامانلاردان دانيشدي. بوساتا آلقيشلار سؤيله دي.
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.