الجزایر بودونو:

1. اسکی تاریخی اولان الجزایر بودونو، اؤز موسلمانلار، سؤزلریز تانری سؤزلری، ایستکلریز تانری ایسته یی، گوجوز تانری گوجودور. توپلانتینی قوران آیدان بری بؤیوکلوک سنه یارامازمی؟ او توپلانتی سنین ایستکله گوجون گؤسترگه سی ایدی. سن بو اولو توپلانتینی قوردون اونونلا اؤز ایستکلرین یؤنه تلدین، اونونلا گوجلندین. 8 گون ایچینده گؤروینی یئرینه یئتیردین. او توپلانتی‌نین ایشلری چوخ سوره‌جکدی. تانری یا آند اولسون بو توپلانتی گوجده، ایستکده، باغیشدا سنین کیمین ایدی. اورک بیرلیگیله قورولان بو توپلانتی سنی گوجلو و اوجا سسله کابینه لره، حزبلره، مطبوعاتچی‌لارلا گؤروشرکن تانیتدیردی. الجزایر میللتی آز قالمیشدی اونلارین یانیندا تانینماز قالاسیز. آنجاق سئچیلمیش اینسانلارین  اوستون چالیشمالاریلا ، حقی تانییانلار یانیندا، اینسانلارا سایغی دویانلار اورتاسیندا سن بللی اولدون، اؤزونو تانیتدیردین. بو اینسانلار ازیلنلری اینصافلا قارشیلایارلار.

2. الجرایر میللتی گرچکدن سن اؤز گؤردوگون بؤیوک ایشله اؤزگورلوگه وورغون اولاراق اونا آسیلی اولما قانیتینی گؤستردین. سنین اؤزگورلوک بایراغینی داشییان اینسانلارین اورکلرینی بیر بیریندن آییرمایان آزادلیق دیر.گله جکده بیله جکلر اونون اوغروندا نلر ائتدیک، اونون ایچین نئجه یاشادیق نئجه اؤلدوک.

3.بیز ال لریمیزی فرانسه دولتینه اوزاتدیق. اونلارا کؤنول وئردیک، او بیزیم اللریمیزی توتوب سیخسا، بیزیم کؤنوللریمیزه کؤنول وئرسه بو بیزیم ایستک دیر. اؤزگورلوک یولوندا بیزه یاردیمجی اولسا. بو دورومو فرانسه دوزگون دیرلندیرمه‌سه. بیز اللریمیزی یومروغا چئویریب، اورکلریمیزی داشا دؤنده‌ره‌ریک بو دوروم سونا قدر سوره جک. ای الجزایر بودونو سن گرچکدن بؤیوک بیرایش باشاردین. سن یولون باشلانیشیندا سان. چالیشمالیسان اوستون ایناملا بو یولدا چالیشاجاقسان. چالیشما یؤنتمینی قورویاجاقسان. بیل. سنین بو گؤردوکلرین اونون عظمتی دیر. بیر آدیم بیله گئری قاییتما. بو آدیم لارین آرخاسیندا آیدین گله جک وار. سوندا ایستر یاشام اولسون ایستر اؤلوم.

 

عربجه دن بیر چئویرمه: محمد رزاقی