آی آشیق،دیل دوداغیندان یئنی سئودا،تؤکولور

یوموشاق کیپریگین آلتینداکی رؤیا،تؤکولور

ماهناسیز گؤز یاشیمی تؤکمه گه،چارم،یوخوموش

باشلا نیسگیلدن اوخو،باشیما دونیا تؤکولور

اللری میخدان آسیلمیش،دؤشو دؤشلرده یالین

گل یاخان دوگمه له باخ!یوخسا یهودا تؤکولور

دئشمیشیک آیه لری،بوردا قورآنلاردا یازیب

یوسوفون سینه سین آچدیقجا،زولئیخا تؤکولور

مین دؤیوش مئیدانی قان،مین اتک عیرفان جالانیر

مین بوغاز سس توتولور،مین نئچه شئیدا تؤکولور

هانسی مئی دن باشی قیزماقدا،جیدادان سوزولور

سئوگیسی قان باخیشیندان دا،اهورا تؤکورلور

سؤیله نن،چالغیچی!سو سمفونوسوندان بو یانا

سنین سس سسه وئردیکجه، واویلا تؤکولور

http://ilk.blogfa.com/post/53