درویشیم
سایین احمد اسدی بگ وریندن(طرفیندن)اورمونون گؤرکملی اوزانی آشیق درویشه گؤره سونولان بیر شئعر:
عصرلر بویوجا، ایللر بویوجا
آدینی تاریخه سالان درویشیم
خالقیمین دیلیندن دوشمه ییر آدین
شؤهرتی یوردوما دولان درویشیم
***
کیچیگه بؤیوگه حؤرمتی وارایمیش
دونیالار بویوجا مرفتی وارایمیش
ائللرین ایچینده عزّتی وارایمیش
ائللرین قئیدینه قالان درویشیم
***
دانیشسا دئیه ردی ((گؤزلره قوربان))1
((دوست عزیز))2 تئز ایدی چالاسان هجران
سسینی ائشیتجک تیتره ییر بوجان
سازینی اوره کدن چالان درویشیم
***
غربتی هاواسین غریب چالیبسان
آدلیملار ایچینده پارلاق اولوبسان
احمدین کؤنلونده سن یئر آلیبسان
سؤزلریم بیل دگیل یالان درویشیم.
1 ایله 2= درویشین چوخ ایشلتدیگی کلمه لر..... هامی یا بئله خطاب ائدیب تشکر ائدرمیش....
+ نوشته شده در Wed 8 Aug 2012 ساعت 21:32 توسط آخار سو
|
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.