زنگانين اونلو آشيقلاريندان ساييلان آشيق عزت زنگان هاوالاريلا آنيلدي.  دوندوران آيي نين 10. دا آشيق عزتي سئون اينسانلار بو تؤره ني قوردولار. تؤرنه 70 دن چوخ آشيق صنعتينه دگر وئرن زنگانلي قاتيلدي. آنما تؤره ني ايکي بؤلومدن اولوشوردو. بيرينجي بؤلوم آشيق عزت حاقيندا دانيشيقلار اولدو. آشيق موسلوم عسگري، آشيق محمد نجفي  آشيق عزتله ايلگيلي سؤزلر، خاطيره لر، محمد رزاقي ايسه «ياشام اؤيکوسو» آدلي بير يازيدا آشيق عزتين اؤز گئچميشيني سؤيله ديلر. ايکينجي بؤلومده آشيق ايسلام مورادلو، آشيق فريدون موهاجري زنگانين يئرلي هاوالاريلا آشيق عزتي خاطيرلاديلار. منوچهر نجفي « اورتا ساري تئل» هاواسيلا سازين گؤزلليگيني دينله یيجيلره سوندو. آشيق عزتين 5 ايل اؤلوموندن سونرا بو آنما گئجه سي دوزنلندي. آشيق عزت 40 آشيق دستاني بيليردي. او زنگانين ناغيلچي آشيقلاريندان ساييليردي. زنگانين آشيق ادبياتينا چيخلو قوللوق ائتميشدير. عزت ايستر يازيسال ايستر سسلي بيلديگي آشيق ناغيللاريني باشقا آشيقلارا اؤرگتميشدي. آنما تؤره ني نين آپاريجيسي آرتام ملکي ايدي. آشيق عزت 1298.جي گونش ايلي زنگانين بارت آغاج کنديده دوغولوب، 1385.جي ايلين ايل بايراميندان 33 گون گئدن دونياسيني دئييشميشدير.