گئچمیش سایی دا اؤز قایدامیز کیمی، طنز صحیفه سینده ائلیمیزین ساتریک شاعیری اوستاد مجید صباغ زاده ایران «یالغیز» جنابلارینین حاقیندا قیسا بیر بیوگرافی یازیب، اؤز پاییمز بؤیو شاعیرین اثرلریندن دانیشدیق، نه بیلیردیک بلکه قیسمت بؤیله ایمیش، اوستاد یالغیز سؤن یازی و دانیشیق حاقین بایرام درگی سینه وئریب بیر ائلی یالغیز قویاراق دونیاسین دئییشدی.

 رحمت لیک یالغیزا ایتحاف

نه بیلیم بلکه ده یالغیزلایاجاقمیش، ائلیمیز

بیر عومور گولدوره نه، سیزلایاجاقمیش، ائلیمیز

اینانا بیلمه ییریک، سؤن باخیشیندان یازدیق

اینانا بیلمه ییریک، دیغلایاجاقمیش، ائلیمیز

اوره یی دوم – دولو، غم،دوم -دولو ، شنلیک یاغدی

بیلمه دی، به ی، نه یامان، قیزلایاجاقمیش، ائلیمیز!

چئکمه دیک جیئز، آدینا، یالغیز اولاردیق او زامان

نه بیلیردیک کی زامان، جیئزلایاجاقمیش، ائلیمیز!

نئجه تئز گول چیچک اؤز یولداشین الدن وئردی

نئجه تئز بولبول اوچوب، سیزلایاجاقمیش ائلیمیز!

امیر نصیری(ائلمان)