زنگانین 50کیلومترلیگینده ن بهرام بیک کندینده آنادان اولوب

تخمین 70 ایل بوندان قاباق ائله همن یئرده، قیزی (معصومه رضایی)  خانیمین وئردیگی بیلگی لر اساسیندا قوجالیب و دونیادان گئدیب.

او رحمتلیک الیمیزده اولان خبرلر اساسیندا ایکی، تورک و فارس دیلینده، عروض وزنینده درین و دوشونجه لی شعرلر یازیب یارادارمیشلار. اونون ال یازیلاریلا شعرلری ایندیسه اوندان قالان فامیل لر آراسیندا ایتیب و هله ده اوزه چیخماییر. اومود واریمیز باجارا بیلک او شعرلری اله گتیریب و کیتاب قالیبینده، یوخسادا همن وبلاگدا حورمتلی موخاطیب لریمیزه تانیتدیراق.

الیمیزده اولان سؤزلر و خبرلردن بؤیله آلمیشیق کی رحمتلیک میرزه کیتاب بیر عاریف، ساوادلی و عالیم اینسان ایمیش و بایرام بیک له قارلیق، ایکی قونشو کندین بوتون چتین ایشلرینده اؤز گؤزل تدبیرلریله اونلارا بیر یاردیمچی اولاراق ایشلرین یولا وئررمیش.

     

غنیمت بیل احبا صوحبتین، چون روحه لذّت دور

خوشا اول عاشیقه معشوقیله مشغول صوحبت دور

همیشه فصل گول اولماز گله ر  گلچین، گده ر بولبول

بیر آز مدتدی گول عمری، تماشاسی غنیمت دور

گئچیبدور ایش نصیحت دن الا ای ناصح مشفق

که من آلودۀ دردم، بو بی حاصیل نصیحت دور

دئمه مجنون بیابان گرد اولوبدور حبّ لیلادن

محبت دور، نئجه مجنون شزاوار ملامت دور

بو مجنون حب ّ لیلی دن دی لیلا حبّ اکبردن

گزر سؤیله ر ندن گلمز؟ اگر اوغلوم سلامت دور

 

قایناق: امیر نصیری(ائلمان)- رحمتلیک میرزه کیتابین قیزی نین نوه سی