گونش گؤیون اورتاسیندا و من اؤنومده اولان باغا ساری آدیم آتیردیم. آخار سولارین سسینی ائشیده رک، یولوما داوام ائدیردیم. ایختیارسیز اوزاقداکی آغاجلارین کؤلگه سی آلتیندا اوتوران قادینا ساری گئدیردیم.  یاخین لاشاندان سونرا، گؤردوگومو هئچ اینانامیردیم. یئرده اوتوران قادین آنام ایدی. چوخ زامان ایدی آنامی گؤرمه میشدیم. او منه چوخلو حیکایه لر تعریف ائیلردی آنامدان چوخ دیرلی سؤزلر اؤیرنمیشدیم. آناما یاخین لاشیب اونون یانیندا یئره اوتوردوم، محبتله الیمی اوجونا آلیب. چنه می یوخاری قالدیردی. گؤزومون ایچینه باخاراق آلنیمدان اؤپدو ، سونرا بوینونداکی بویونباغی بوینوما سالدی. ساچلاریمی داریا داریا بیربیریمیز ایله دانیشیردیق. او یانیمدا اولان زامان ناغیل سیز یاتماز ایدیم. هر گئجه آنامدان ایسته یردیم. منه ناغیل دئسین. اونون ناغیللارینی چوخ سئوردیم. آنام ساچلاریمی داریا داریا ناغیلینی دئمه یه باشلادی. بیردن، بیر سس منی آنامدان آیردی. او  اؤگی آنامین سسی ایدی. یوخودان آینییاندان سونرا هله ده آنامین بویونباغی بوینومدا ایدی.

   اونوتمارام آنامی،

     سسله ییرم هی، اونو ، 

      « من ناغیل سیز قالمیشام

http://nedasamadi.blogfa.com/post-18.aspx