دلی
دلی
زارا گلیب بیر شهرین الیندن
آسلانیبدیر کؤچه لرین دیلیندن
یاغیش کیمی یاغیر داشلار بئلیندن
دیلکلرین بوجاقلاردان آختاریر
آرزیلاری پالتارینا بنزه ییر
یالتاقلانیب سؤزو سؤزه دوزمه ییر
دوداقیندا گولوش قوشو گزمه ییر
محبتی دوداقلاردان آختاریر
خیاواندا مین جوره سؤز قازانیر
زارافتدا، اوزو قویلو اوزانیر
شهر گولور، او شهردن اوسانیر
بیر قورتوم سو بولاقلاردان آختاریر
واری یوخو بیر آغاجدی بیر اؤزو
سیرینسه ییب پادارلانمیش ال اوزو
محکه مه سیز محکوم اولور، هر سؤزو
اوز کروانین بو یوللاردان آختاریر
یئنه بیر گون کؤچه لری، ایزله ییر
بلکه بوگون سئوگی گزیر، گؤزله ییر
آیریلاراق دوداقلانیر سؤزله ییر
باش گؤتوروب او داغلاری آختاریر
امیر نصیری (ائلمان)
+ نوشته شده در Wed 24 Nov 2010 ساعت 19:31 توسط آخار سو
|
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.