چوخدان دا چوخ
(( چوخ داندا چوخ ))
فیرلانقی فیرلاییب گئنه گورسندی یازیمیز
بوندان نه یاخشی گون تاپیلار عشقه بازیمیز
داغلار دوشونده اورج ائیله ییبدیر بنوشلر
گؤللر سودان داشیب قانادین آچدی قازیمیز
قوشلار دیل آچدی سؤیله دیلر نسترنلره
ال چالقی اوینایین کوکو شنده ندی سازیمیز
کوپلر باش آتدیلار دولالار آغ چاناغلارا
آخشامدان – آخشاما سرین اولسون بوغازیمیز
بیر توپلاشاق او یار باشینا ، آی دا گوگده دیر
گون چیخسا گؤز یاشیلا اولار دستنمازیمیز
بوش سؤزدانیشما، تک یولابیز باش چیخارتماریق
دوز گلمیندی اولماسا اول یار نمازیمیز
قیش دالدا قالدی بایرامیمیزایلا آیلا گؤروشجگین
گولده ن باج آلدی باشدا دوران گول قوتازیمیز
( آیلار ) دیزین قوجاقلاما کی یاخشی یازمادیم
چوخدان دا چوخ گلیب نقدیر آزدیر ، آزیمیز
سرین زنگانلی
(علی اصغر اوجاقلو )
( زنگانلی آیلار ) ثریا بخشی بویوک
شاعیره میزین ان بویوک روحونا و
دوشونجه سینه ایتحاف
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.