آزادليق يولونا گئدن آزاد داغ             اوزگورلوک يولوندا اولدون آزاد داغ

 

هله اوزومه گلمه ميشديم کی  باش رئيس دئدی: دوش قاباغا . يئريمی دئييشيب دوشدوم قاباغا اودا گئتدی هردن بير يئردن سسی گليردی سورادا اوچ نفری آيری گليرديلر.نظام لا دوزولوب ياواش ياواش گئديريک چايين اورک اوخشايان سسی آشاغی دان الوان رنگلی چيچک لر له بورونموش ياشيل يونجا- چمن لر يوخاری دان و قارلی – داشلی داغين گوزل دروشوغو قارشی طرفدن بيزی دؤره لرکن خوش گلدين دئييرلر گونش شافاق سالير و باهار يئلی هردن اوزه دئييب تازه ليک و فرح ليک بخش ائدير.

يئملی بيتگی لر هر يئری بورويوب ياشيل يونجاليغدا پاريلدايان آغ گؤبلک لر جايديرير آدديم لار اوزون- قيسا اولور باش رئيس و اونون کمکی هردن اوجادان و هردن قولاق ديبی دئييرلر: ياواش، بير حالدا گئت. شاققيلتينان آخان چای         

دره نين اوزونون دا يوغون ايلان تک اوزانيب نئچه يول اونون اوستوننن آتيليب آغيرليغيم اوغولوغوم دئييب اونلاری چايا توکوب گئچيريريک. داغين دوشوننن رد اولوروق کهليک بيزی مشايعت ائلير و خوش سسينه قوناق ائدير و پريلليب اوتاي کی  داغا قونور. تکه لر هردن تک گئديرلر اما گئنه قئيديب سورويه قاتيليرلار بير مناسب يئرده دايانيب اوتراق ائليريک . يولا دوشنده آيريسی يئريمی آلير گوزل و بير ريتم ده قدم گؤتورور اما حئييف چوخ دانيشير. بيردورمج کؤمران چؤرک جانلانديرير. دونيانين ايشی بئله دير هئچ کيمسه عيب سيز دئييل پس گلين هئچ کيمسه نی پيسله مييک واوجورکی واردی قبول ائده ک.

سو گلر آخار گئدر       داغ داشی آشار گئدر        باجی قارداشی     يولداش يولداشی       تختينننن سالار گئدر

آی دونيا وفان هانی    چگديگين جفان هانی           دونن کی يار يولداش لار      دئگينن گوره ن هانی1

بعلی اوز يوخارينی چيخيب  ماشالله ماشاللهينان  چادير يئرينه چاتيريق چاديرلاری قوروب داغارچيق لاری (کوله لری) انديريب قالان يول داغارچيق سيز ادامه تاپير. ايکی نفری قاليريق يولداشلار يولادوشوب دره نين اوزونون توتوب گئديرلر دوروب اونلاری سير ائديرم بيرازدان گوز  قاباقيننان  چکيليب داغلارين اتگينه چاتيرلار چاديرا گئچيب اوزانيرام دوستوم باياخ يخلويوب . اوز اوزومه سورشورام گورن نئيه بورا آزاد کوه دئيرلر؟ بيرزاد فيکريمه چاتمير

گونش چادطری ساری اولدوغونا قيزيل کيمی پاريللادير سس سيز بير ابدی سکوت يارانير ابديت تونلی چکير اپارير گئديرم اختيار سيز اما بيرسئوگی بير جوشغو بير يونگول لوک وار خوش بير يئرده اوزانيب گوزی يومولو گونشين ايستی سی  جان قيزديرير بير آن حس ائله ديم بير کس گلدی گوزوموآچيب اويان بويانيما باخديم . بير سسی گلدی: «دوروغون  يئرده قال اويان بويانا باخما منی گونمزسن »

سن کيمسن ؟

کيم اولدوغومو سورا بيلرسن 

نه ايستيرسن؟ 

گلميشم سورغونا جواب وئرم

 سن هاردان بيلدين من نه سوروشموشام؟

 قالسين، قولاق آس .

 بويور.

دئدی: ايللر بويو بيز بير قارانليق دا  يئرآلتيندا ياشييرديق  اما اسير لر کيمی آخی ايستديگيمير يئر و شرايط ده  ياشاميرديق بيزدن يوخاری بير برک يئر واری دی ناحاقدان بيزيم يئريريميزی آلميشدی وآشاغيدادا بيرقاينار يئر واري دی اونلارين سس و صداسی و اينس قوخوسو چوخلو اينجيديردی بيز قالميشديق بونلارين آراسيندا  بيلميرديک نه ائلييک و نئجه گئچينک. بير مدت دوستلوق بناسی قويدوق و قونشولوق حاققينی ادا ائلديک  نئچه واخت بئله گئچدی اما اونلارا هئچ فرق ائلمدی بيلديک لرينی ائلديلر  گون به گون بترلشدی تا اينکه بير گون يئغيشيب دئديک بوجور اولماز گره ک بو حال دئييشيله بيری دئدی تک يول وار اودا آزادليق يولودو هامی دئدی: اوزودو هه آزادليق1 تا اينکه واختی گلدی بيرگون قاينار يئر ائله قاينيردی پيس جور جوشا گلميشدی بيرلشيب دئديک بيز داشيق او تورپاق ندن گره ک بو ظولمه داياناغ؟! برک يئری يئريندن ترپتدديک پارام پارچالاديق و هامی بيرليکده قيشقيريب دئديک ياشاسين آزادليق و آزادليق سسينی بوتون کاينات ائشيددی وبيز او کلمه نين شکلينده يئر آلتيننان چيخديق گئت اوزاقدان باخگينان.دئديم : ساغ اول آزاد داغ آزاد ياشا آزاد داغ کی سررينی منه دئدين. يئل پيس جور چاديری ترپتددی يوخودان آيني ديم ائشيگه چيخديم داغا باخيب گولومسديم بير قجير چتيرين آچيب گوي سلطانی اولوب ايچری گليب بيرليکده ماکارنانی بارريب سورا چای ايچديک چيخيب گئديب داغ دوشونده اتوردوق بيراز گونده ليک ياشاميندان دانيشديق سورا بيراز زويدورمه گئدديک قارلی داغی زويدورمگ ايچون چيخاندا ساغ طرفدن گوردوم گديکدن دوستلار گليرلرانيب پيشوازا گئديرم قاباغدان دورد گئنج و شاخ شاخ شاققيلليان جوان يئيين و قدرتلی حالدا منه چاتيرلار باغريماباسيب تبريک دئييرم يولومو توتوب اوبری لره ساری گئديره م  بير مدت دن سونرا اونلارا چاتيرام اوچوده بئله گلير بس قالانی هانی گئت اوسته . دئييرم ايشه باخ گئدنده نظام لا دوزولوب  گلنده گور نئجه گلير . نئجه گئديبسن اوجوردا گل  منجه بو بير اصل دی اما نئيه رعايت ائلميريک !

هر حال هامی چاتاننان سورا چای ايچيب و چاديرلاری يئغيب "کلاک" کندينه ساری يولا دوشوروک و ائله او داغيناق حالدا بيربير – ايکی ايکی – اووچ اووچ اورا چاتيريق مانشيرقويدوقوم گوبلک لری دريب پبشيريب هامليغجا داديريق گئجه اود باشينا يئغيشيب اووچ-دورد ناغيل دئييب آی ايشيغيندا  قاققيلتی سسی چايين شاققيلتی سينا قووشور ايستی اودون چاينی ايچيب چاديردا چوخداندی خورلتويا دوشموشم آخی يوخو توربامی (کيسه خوابی) بچه دونقوز آپاريب سحر گوبلگی يئييب کندوان تونلی ،اودون آش ماجراسی يارانير اوندان بتر دامارلی قارپيزدی ياديميزدان چيخماسين هر فصلين اوز ميوه سی وار سرعينين آيران آشی.                                                   

 

صفی بابا