طاهيرين يايلاقچي آتاسي احمدخان ورزيقاندان رودبارا گليب، گيلان حاکيمي حاتم سولطاندان رودبار يايلاغيني ايجاره ائدير. طاهير بوردا حاتم سولطانين قيزي زؤهره خانيملا بير مکتبه گئدير. بونلار بير بيرينه سئويرلر. بو ماجرا آشکار اولاندان سونرا حاتم سولطان طاهيري اؤلدورمک ايسته يير، آما تاجير احمد، طاهيري پولونان اوندان آلير و شهرين ائشيگينده آزاد ائدير. طاهير خان وئردي سووداگره راست گلير، اونون ائو اوغلوسو اولور. خان وئردي، سيمين عذار آدلي قيزيني طاهيري وئرمک ايسته يير. آنجاق طاهير قبول ائله مير. خان وئردي قيرخ باغين آچاريني قيزينا وئرير، اؤزوده سفره گئدير. اونا دئيير هر گون بير باغين آچاريني وئررسن طاهير گئدر دولانار. آما قيرخينجي باغين آچارين من گلمه یينجه وئرمه. تاهير اوتوز دوققوز باغي دولانير، قيرخينجي باغي دا دوواردان آشير دولانير. اورادا بولبولونن گولون دانيشيغيني گؤرور. يئنيدن رودبارا گلمه فيکري باشينا دوشور. بير جوبان واسيطه سيله رودبارا گلير. همين چوبانين ننه سي يوندوردوغو سانديغين ايچينده زؤهره نين يانينا آپاريلير. حاتم سولطانا دئييرلر طاهير ميرزه زؤهره نين يانيندادير. زؤهره طاهيري نيجات وئرمک اوچون اونو سانديغين ايچينه ساليب، قيزيل اوزن سويونا تاپشيرير. طاهيرين سانديغي هشتر خاندا مليک نيسا خانيمين باغيندا توتولور. ملک نيسا نين ايصرارينا و اونونلا ائولنمک اؤنريسينه يوخ دئيير. ملک نيسا رشتين حاکيمي نادير قولوخاندان کؤمک قوشون آليب رودباردا حاتم سولطانين اوستونه لشگر چکير. اونو مغلوب ائديب، اؤلدورندن سونرا زؤهره ايله طاهيرين تويون توتور. بو داستانين جوغرافي يئرلري ورزيقان، رودبار، گيلان، هشترخان، رشت هومه سيندن عيبارتدير. 

 * بو واریانت زنگانلی آشیق موسلومون سسیله 1350 جی ایللرده اوخونوب.