اوشودوم ون یئنی شئعری / وولقان میانالی
اوشودوم هی اوشودوم
گؤزلر اوسته قاشیدیم
هامیلاردان باشیدیم
اوزوک لره قاشیدیم
ساوالانین باشیندان
داغدان، آلما، داشی دیم ( از کوه گرفته سنگی بودم )
***
داغدان یئندیم آرانا
تورانیمدان ایرانا
آلداندیم بیر ایلانا
سوچدان ناماز قیلانا
آرخاسیندا دایاندیم
منی ساتدی قیرانا
***
آلماجیغیمی آلدیلار ( هویت)
منه ظولوم سالدیلار
آدیمی دؤو قویدولار
قورخولو بیر آلدیلار
آنا دیلیم الیمدن
آلداتیلار آلدیلار
دردیمیزه دؤزه ریق
ایری یولدان آزاریق
تورک دیلینده یازاریق
بیز ظولومدن بئزاریق
ظالیملرین اونونده
درین قویو قازاریق
********
درین قویو بئش گئچی
اونون بیزه نه وئجی
اؤتوره جک تئز گئجی
بو قونودا یوخ سئچی
ال اله وئرمک گرک
آذربایجان ارکجی
**********
ارکج قازاندا قاینار
قیزلار یانیندا اوینار
بویو اوجا، اوزو نار
اور ائلینه گووه نر
قول قولا ائل گوجونه
وارلیغینی قازانار
************
ارکئج گئتسه اودونا
قمیش باتسا بودونا
وطن دوشر یادینا
هارای وئرر دادینا
قمیش گوموشه دونر
آذربایجان آدینا
********
آز قالیری گون باتا
بایاز گویرچین یاتا
بایقوش لار غرور ساتا
گوموشو وئردیم تاتا
تات منه داری وئردی
قویمام گؤیرچین یاتا
**
داری نی سپدیم قوشا
قوشلار اوچورلار قوشا
نغمه لر قوشا قوشا
حسرت، قالدی بایقوشا
قوش منه قاناد وئردی
اوچدوق گؤیلره قوشا
*****
قانادلاندیق اوچماغا
حاق قاپیسین آچماغا
یئره ایشیق ساچماغا
ظولمون کؤکون بیچماغا
ساوالانین سویونو
زیروه سینده ایچماغا
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.