زنگان - محمد رزاقي- آشيق صنعتي نين زيروه لري 5 جي آشيقلار بايراميندا زنگانا اينانيلماز بير بزک وئرديلر. اؤلکه ميزين چئشيتلي بؤلگه لريندن گلن آغ ساققال آشيقلار، آشيقلار بايراميني قوتلاديلار. بو شؤلنده زنگان، تبريز،اورمو، مييانا، قزوين، قوم ساوه آشيقلاري اؤز چيخيشلاريلا موسيقي سئور اينسانلاري دويغولانديرديلار. بو بايراما زنگان، قوم ساوه شاعيرلري ده قاتيلميشديلار. 5 جي آشيقلار بايراميندا ايشتيراک ائدن آشيقلارين آدي: آشيق موسلوم عسگري( زنگان)، آشيق محمد حوسئين دهقان (اورمو)، آشيق بولوت جوادي (ميانا)، آشيق قافار ابراهيمي (تبريز)، آشيق مسيح اله رضايي( قزوين)، آشيق نادر رنجبر( قوم ساوا)، آشيق عباس ستاري( مييانا)، آشيق ستار خودايي(زنگان) و ... .

 زنگانين آشيقلار بايرامي ايلده آغلار گولر آيين 30 دا قورولور. بو گون «آشيق صنعتي و آشيق ادبيياتي» آدلانيب. 

  آرتيرماليييق بو شؤلن له ياناشي زنگانين ايمام خميني فرهنگ ساراسيندا بيرينجي يول اولاراق زنگانين آغ ساققال آشيقلاري آغيرلانديلار. بو آغيرلاماني، زنگانين آشيق موسيقي سيني سئونلر، آيلار موسيقي گوروپو ايرشادين امکداشليغي ايله قوردولار. 400 دن آشيري زنگان خالقي بو آغيرلامايا قاتيلديلار.