قاشقایلی نیکبخت معللیم له ویداع
مهندیس عمیمین اراباسینا میندیم.
عالیم قاسیم اوغلونون ناوارین سالمیشدی.
« عزیز دوستوم مندن کوسوب اینجیدی/ یاد کیمی آیریلیب چیخدی ائویمدن ...»
اویان بویاندان سؤز دانیشدیق. دیلیمن اوجوندا بیر سؤز گؤینه ییردی.
تره چایین محبتلی اؤیرتمنیندن دانیشماق ایسته ییردیم، نیکبخت معللیمدن
عمیم منی قاباقلادی:
- بیلدین محمد!
- یوخ. نه اولوب؟
عمیم: نیکبخت اؤلدو.
...
عالیمین سسی اوجالدی:
ائله بیل ال لریم یوخ اولوب منیم/ گؤزومون یاشینی سیله بیلمیرم ...
ایچیمده بیر یانغین دویدوم.
...
گئچن آی(دوندوران) قومدا یولداشلارین گؤروشمه سینه گئتمیشدیم. اوردان اوره ییمه دوشدو، گئدم
قاشقایلی قارداشلاریمیزی دا بیر گؤرم. اؤز اؤزومه دئدیم: قالسین ایل( اوغوز) بایرامینا. ایندی ائرکن
قاییتمام گره کیر. سونرا گئده رم. قارداشیمین آپارماسین دا دوشونوردوم.
بیرلیکده گئتمک ایچین نئچه سورغو حاضیرلامیشدیق نیکبخت معللیمدن سوروشاق.
سورغولاردان اؤرنک: ندن نیکبخت معللیم اؤزو تورک اولاراق تره چای کندینده اولدوغو سوره تورکجه
دانیشمامیشدی؟ و باشقا سورولار
آشیق آلی نین سؤزو:آیدی گوندو گلیر گئدیر عؤموردن/ تله سیریک گؤرن یازا نه قالدی ...
ایندی نیکبخت گئتدی، سورغولار یانیت سیز قالدی.
زنگان 2010/02/23
تورک دیلینده زنگین وارلی، عظمتلی، گئنیش، دولو و قیمتلی و . . . آنلامیندا گلیب.