ozanlar yarışması

Hac bektaş vəli ozanlar yarışması gazı üniversitesində quruldu. Bu şöləndə dərəcəyə girən şairlər və ozanlar ödülləndilər. Aşıq müslüm əsgəri bu şöləndə bir özəl çıxış yapdı.

سولئيمان پئيغمبر دؤنمينده اوز وئرن آشيق دستاني بللي اولدو

اوزانلاردونياسي- زنگانلي آشيق موسلوم: معصوم ايله ديلفروز دستاني ايکي ريوايت سؤيله نيلير. بيرينجيسي ايسلامدان اؤنجه، او بيري ايسه ايسلامدان سونراني قاپسايير. بو دستان چين ايله يمن آراسيندا اوز وئرن بير آشيق دستاني دير. ايسلامدان اؤنجه دئييلن دستان سولئيمان پئيغمبر چاغينا عايد بير دستان دير.

بالابانچی رحمان محرم زاده

1352 جی ایلده هجروت ماحالیندا دوغولموش. 1372 دن بالابان چالماغا باشلامیش. اونون اوستادی همت حیدری اولور. نئچه ایل آشیق موسلوم عسگری نین یانیجا تویلاردا بالابان چالمیش. اورتاق هاوالاردان آیری زنگانین یئرلی هاوالارینی دا چالا بیلیر.

وان دان کيشميره اسن تورکولر

 اوزانلاردونياسي: آشيق موسلوم 9 جو اوتورومونو بيتيردي. بو اوتوروم  « گؤيچک ريضا »  دستانی اوزرينده قونوشولدو. گؤيچک ريضا، قوربانی دؤنميندن سونرا  « وان »ش  هرينده ياشايان بير آشیق اولموشدور.

زنگانين اسکي ال يازما آشيق دستانلاري ايشيق اوزو گؤردو

اوزانلاردونياسي: آشيق همدوللا نين 74 ايل بوندان اؤنجه يازديغي 2 آشيق دستاني زنگانين سوموت اولمايان کولتورل ميراثيني زنگينلشديردي. بو ال يازما دفترده بهرام گول خندان ايله نجف دستانلاري يازيليبدير. بو دفتر 32 يارپاقدير. دفترين ايلک يارپاقلاري دوشوبدور.

گرگرلي محمت همدانين شهريياريندا دئييشميش

   اوزانلاردونياسي: آشيق موسلوم: گرگرلي محمت، خسته قاسيم لا بير دؤنمده ياشاميشدير. بو دستان گرگرله همدان آراسيندا اوز وئرير. گرگرلي محمت همدانين شهرييار بؤلگه سينده شازدا خانيملا دئييشير. بو ديیيشمه ني محمت قازانيب، 39 آشيق دوستاقدان بوراخيلير. بو دستاني 55-1352 ایللرينده آشيق موسلوم ايکي کاسئت اوزرينه اوخويوبدور. گرگرلي محمت دستاني(1385/12/01 * 20/02/2007) محمت رزاقي طرفيندن يازييا گئچه رک ثبت اولونوبدور. دستانين يئنيدن سؤيلنمه سي 1388 جي گونش ايلي نين قيرو آيي نين 26 دا (17/11/2009) 29 دقيقه  سوردو. بو اوتوروم آشيق موسلومون 8 جي اوتورومو ساييلير. http://ozanlardunyasi.blogfa.com/post-22.aspx

دیل بو سازدا، سئله بنزر

تورکون دیلی موم کیمی دیر
آشیق لارین، ال لرینده
قالادیرسا، قوم کیمی دیر
آشیق لارین، ال لرینده

آشيق موسلوم ميرزه کاظيمي ياشاتدی

  اوزانلاردونياسي: آشيق موسلوم ايلک آشيق دستانيني 34 ايل بوندان اؤنجه ياراتميشدير. بو دستانين آدي زنگانلي ميرزه کاظيم دير. ميرزه کاظيم دستاني1385.12.17 (08.03.2007) محمد رزاقي يازييا گئچميشدي. بو دستان کاسئت و تويلاردا اوخونماييبدير. دستانين قارا ناغيلي ايله شعرلريني آشيق موسلوم اؤز ياراديجيليغي ايله ياراتميشدير. ميرزه کاظيم زنگانين باجاريقلي آشيقلاريندان ساييليردي. 25 دقيقه  سورن بو دستان آشيق موسلومون يئددينجي اوتورومونو اولوشتوردو. بو اوتوروم 1388 جي گونش ايلي نين قيرو آيي نين 19 ( 10.11.2009) قورولدو.

عاشيق عرب، مؤلف و رولان بارت / سید حیدر بیات

آلما یولو: او زامان‌لار عاشيق عرب بير اولدوز ايدي. اونون اوخودوغو داستانلار بيزيم كندده هامي‌دان چوخ سئويلردي. اوسوب‌ دا سوركلي اونون ناوارلاريني سسلنديرردي.

آشیق عزت ین سون ائوی

گونش ايلي 1388 خزل آيي نين 22 ي دير. آرخاداشيم حميد ابراهيمي بگ له بيرليکده بارداغاج کندينه گئديريک. اود گونو 11:45 دقيقه  زنگاندان يولا دوشدوک. يانيميزدا يول خريته سي اولاراق يولو آزديق. پاپاييدان گئري دؤندوک. آزماغيميزين ندني بارداغاج کندي نين تابلوسونون اولماماسي ايدي. يالنيز چرچئوه سي نين دميرلري يول قيراغيندا يولچولارا خوش گلدين دئييردي!

آشيق عرب پرندلي

 

 1338 جي ايل زنگان ين «دايدار» کندينده دوغولموش.آشيق صنعتيني قوشا چايلي آشيق فيروز، آشيق سئيدوللا و آشيق اکبر جهانشاهلي دان اؤيرنميشدي. زنگان، همدان، تبريز و اورمو هاوالاريني دا چالیردي. 18 آشيق دستاني بيليردي. سازدان باشقا نئي، دؤيول ده چالاردي. آشيق عرب 1388 جي گونش ايلي نين قيرو آييندا دونياسيني دئييشدی

آیریلیق

زنگین:ائشیتدیگیمیزه گؤره زنگانلی آشیق عرب پرندلی آیریلیق دونیاسینا کؤچوب. بو اولای بیر تویدا اوز وئریب. آشیق عرب منصوریه هاواسی ایله ائل ایچینده تانینیردی.

آشيق موحيطلرينده دستان جيغيرلاري اورتاق، شئعرلر فرقليدير

  اوزانلاردونياسي: آشيق موسلوم عسگري: طاهير ميرزه دستاني بؤلگه باخيميندان زنگاندا اوز وئرميش و بيزيم دستان باشقالارينا گؤره دوزگون اولا بيلير. طاهير ميرزه نين دستانيني آشيق موسلوم 33 دقيقه ده يئنيدن سؤيله دي. اوتوروم 1388 جي گونش ايلي نين خزل آيي نين 28 (20.10.2009) ي قورولدو. http://ozanlardunyasi.blogfa.com/post-14.aspx

آشيق موسلوم ون سس کايييتلاريwav ه گئچدي

  اوزانلاردونياسي: 120 دن آشيري لئنت اوخويان آشيق موسلوم عسگري نين الده اولان 102کاسئتی wavتورويله بيلگي سايار کيلاسورونا دؤنوشدو.کاييتلارين کؤچورمه سي 3 دؤنمدن اولاشدي. بو ايشي زنگانين دده قورقود اوجاغي گؤردو. يئرده قالميش کاييتلار دا اله گئچديکجه بونلارا آرتيريلاجاق. بو کاييتلارين چوخ پايي آشيق دستانلاري دير. بو سس آرشيولري زنگان ين سوموت اولمايان کولتورل ميراثي ساييلير. بو کاييتلار 6 ايل ايچينده بير يئره توپلانميش. www.ozanlardunyasi.blogfa.com

قافقاسيالی نين آشيق کيتابلاري ايکينجي يايينا گيردير

  اوزانلار دونیاسی: دوچنت. دوکتور. کافکاسيالي دئدي:  « ايران تورکلري آشيق موحيط لری»  و  « ايران تورک  آشيقلاری و ميللی کيمليک »  آدلي سون ايکی کيتابيميز  « سالکيم سؤغوت »  آدلي يايين ائوی طرفيندان ايکينجي باسقی اولاراق ياييملاندی. بو کيتابلار تورکييه'نين پک چوخ يايين ائوينده بولونماقدادير.   بيرينجي کيتابدا زنگانلي  آشيق موسلوم عسگري'يه ده گئنيش يئر وئيلرميش.

http://ozanlardunyasi.blogfa.com/post-10.aspx

ابهر چاييندان اسن تورکولر جانلاندي

  شيرين ایله بيرچک دستاني نين تارتيشما اوتورومو سونا چاتدي

 اوزانلار دونیاسی:  بو اوتورومدا آشيق موسلوم شيرين ايله بيرچک دستاني نين قارا ناغيليني سؤيله ييب سونرا دستانلا ايلگيلي سورولاري يانيتلادي. 

 

زنگان آشيق دستانلاري نين تارتيشما دؤنه می باشلاندی

 

اوزانلاردونياسی: آشيق موسلوم عسگری 1350 جي ايللرده سؤيله ديگی دستانلاری يئنيدن آچيخلامايا باشلايير.  بو آچيخلامالار سؤيله ييب، سؤيله مه ديگی دستانلار اوزرينه گئده جک. 

84 آشیق

علی قافقاسیالی« ایران تورکلری آشیق موحیط لری» کیتابینین زنگان بؤلومونده 39 دنه حاققا قووشان آشیغین آدینی یازیر. ایلقار ایمام وئردی ایسه« آزربایجان و ایران آشیق صنتی نین قارشیلیغلی علاقه لری» کیتابیندا بو سایینی 69 آ یئتیریر. 15 آشیغین آدینی دا بیزیم آرشیویمیزدن بونلارا اتک اولاراق ایندییه کیمین بو آشیق لارین سایی سی 84 کیشی یه یئتیشیر.

زنگان آشیق موحیطی( 6)دوکتور قافقاسیالی / چئویرن آخارسو

زنگان آشیق موحیطی نده آشیق هاوالاری خئیلی فرقلی لیک عرض ائتمکده دیر. آشیق لارین رپرتوآریندا بولونان هاوالارین چوخو بو بؤلگه آشیق لارینا عاید هاوالاردیر. بعضی اولسادا ایچرییی فرقلی دیر. بو بؤلگه آشیق هاوالاری نین چوخو بؤلگه یه اؤزگو اؤزللیک لر داشیما قدادیر. آشیق لارین رئپورتولاریندا بولونان آشیق هاوا لاریندان بعضی لری :

 

6-4. زنگان آشیق موحیطی خالق حیکایه لری و دستان لاری(4)/ دوچنت دکتور علی قافقاسیالی

زنگان آشیق موحیطینده قیرخدان فضلا خالق حیکایه سی و دستان واردیر. بو حیکایه لرین بعضی لری دیگر آشیق موحیط لرینه عاید خالق حیکایه لری دیر. بیر قیسمی ایسه تمامن زنگان آشیق موحیطینه اؤزگوردور. بونلارین باشیندا قورولوش موکمل لییی. قونو زنگین لییی اکتیف قوللانیمی ایله « تیلیم خان ایله مئهری» حیکایه سی گلمکده دیر.

زنگانین آشیق موحیطی(۳) دوکتور علی قافقاسیالی / زنگانلی آخارسو

5-4.زنگان آشیق موحیطینده بولونان آشیق – اوزان اوجاق لاری :

 زنگان آشیق موحیطینده هم خالق هم ده یئرئل (يئرلي ) یؤنتیم آشیق لیق گله نه یینه و آشیق­لارا فضلا ائتیبار ائتمکده دیرلر . بو دوروم دا آشیق لیق گله­نه­یی­نین داها جانلی اولماسی­نی ساغلاماقدادیر . بو بؤلگه ده آشیق لار نئره دیسه

زنگانین آشیق موحیطی(۲) دوکتور علی قافقاسیالی

3-4 زنگان آشیق موحیطینده قوللانیلان چالغی آلت لری و اؤزللیک لری :

زنگان آشیق موحیطی آشیق لاری دا تبریز آشیق موحیطینده اولدوغو گیبی اوچ انسترومان (آلت) « ساز» ، بالابان و قاوال « دف» ایله صنت لرینی ایجرا ائتمکده دیلر. سازلاری 20 – پرده لی ، دوققوز قولاقلی ، دوققوز سیملی دیر.

کؤچورن : آخارسو زنگانلی

زنگانین آشیق موحیطی(1) دوکتور علی قافقاسیالی

1-4. زنگان آشیق موحیطی نین دئموگرافیک یاپی­سی :

 تورک آشیق لیق گله نه گینین جانلی اولاراق یاشادیغی بیر اؤنملی موحیط ده زنگان آشیق موحیطی دیر. بو موحیط ده، خزر دنیزینین گونئی باتی سینداکی ان قدیم تورک یوردلاری اولان باشدا زنگان، سولطانییه اولماق اوزره خوررم دره، ابهر، قئیدار ،