دیل بو سازدا، سئله بنزر

تورکون دیلی موم کیمی دیر
آشیق لارین، ال لرینده
قالادیرسا، قوم کیمی دیر
آشیق لارین، ال لرینده

آشیق وئیسل

دونيا دولسا شارکي ييلان
تورکوز تورکو چاغيريريز
يولا گيتمک قورخويولان
تورکوز تورکو چاغيريريز

آشیق وئیسل شاتیر اوغلو

اوزون اينجه بير يولداييم 

  گئدييوروم گوندوز گئجه

  بيلمييوروم نه حالداييم 

  گئدييوروم گوندوز گئجه

ایمران صلاحی و آشیق

باخيشيندا آي آشیق دومانلي داغلار هاواسي
اوره گينده بوتون عالمده اولان غم ياراسي
دامجي- دامجي توكورسن گوز ياشيني ساز اوسته
اوخويورسان((نبي)) ني، ((چنلي بئلي))، ((قيزقالاسي))

اوزان

قوپوز لايلاسيلا ،ائل ماهني سيني

گئچميشدن ايندييه چالان، آشيق­دير.

ساواش گونو، قودوزلارين اؤنونده

توركولر سؤيله­ييب دوران، آشيق­دير.

 

آخارسو زنگانلی

 

نیسگیل

اوره یمده مین نیسگیلیم وار

دئسم اولدوررلر دئمه سم اوللم.

شیرین جانا یانار اودو سالیبدیر

سئوسم اولدوررلر سئومه سم اوللم.

گوزل بایاتی لار

عزیزیم آپار منی

گول ائله آپار منی

ائل یولوندا ایتمیشم

ایتیرن تاپار منی.

قوشان : امیر نصیری ( ائلمان زنگانلی )

 

میللت دردی

هر سوز قوشان شاعیر اولوب

سوزلره یازیغیم گلیر.

اوغلانلار قاش آلدیران زامان

قیزلارا یازیغیم گلیر.

شئعر: زنگانلی اسد خان(اسد اله سولطانی)

آشبق

آشيق­سان ايشيق سان، پارلير گؤزلرين

 

بئش مين ايل ليك يولدور، سنين ايزلرين

 

گزمه لي بير باغدير ، شئعرين ، سؤزلرين

 

ميوه ده اوزون سن ، تاغ دا اؤزون سن

 

باغبان دا اؤزون سن ، باغ دا اؤزون سن

 

 

شئعر:اکینچی اوغلو

آشیق سوزو

آشیق لارسوسوبدور باخان یوخ تئله

قوپوزدا آغلادی سویله دی یئله

خان چوبان سارانی گور آتیر سئله

کوز آلتیندا سونمز یارانی بیلمیر.

قوشانلار :آخارسو ایله آشیق ستتار خودایی

بير گئرچك

 

اوغوز بویوندانام تورکودور دیلیم

 باشقا بیر دیل لره چئوریلمز دیلیم.

بو آذربایجاندیر بزکلی ائلیم

آنام تورک دوغوبدور مردی مردانا

اولسم ده قوربانام آذربایجانا.

 شئعر: زنگانلی آشیق ستتار خودایی

خاطیره

 

یادیندامی گئچن گونلر

زامان قالمیش بیزه حئیران.

یئل اسردی چنه قارشی

دولو گوزلر ایزه حئیران.

قریب ین سوزلری

 

گوزل بیر بری باخ اوزون گوراییم

گئدم یار ایله نم گلم گلمییم.

بویو سلو آغاجی گولون دراییم

گئدم یار ایله نم گلم گلمییم.

 

 ((آشیق قریب داستانی

زنگان واریانتی))

آشیق

 

سن اویاندان من بویاندان

قویما سئیدی قویما سئیدی.

بیر آیریلیق بیرده اولوم

هئچ بیری اولماسئیدی.

(یئتیم سئیدی ) نین سوزلریندن

زنگان واریانتی

آخار سو

 

گویده کی پارلاق اولدوز لار

گوزگو اولوب بیزه ائللر.

دده قورقود چالان سازی

دیللندیریر بیزه ائللر.

***

زامان دردی

 

ایندی زامان ترسه گلیب

ایری گولور دوزه نئیلیم.

فلک اوز چئویریب مندن

رحمی گلمیر بیزه نئیلیم.

***

ایش تاپیلمیر گولسون جاوان

الیف قددی اولور کامان

ترسه گلیب دونوب دوران

اوشاق باخمیر سوزه نئیلیم.

***

آلدانما چوخ بیغ پاپاغا

درده دئیمز پولسوز آغا

پول آپاریر ایش قاباغا

اورکده کی کوزه نئیلیم.

***

قولو باغلی قالیب شئیطان

باش قورتارمیر بو قوغادان

پیشیک سیچان قورخوسوندان

گئجه چیخمیر گزه نئیلیم.

***

کئف ایچینده یاتان چوخدور

کاسیبا شن خبر یوخدور

کورور کورور ییین چوخدور

آزدا چاتمیر بیزه نئیلیم.

***

قانا دوندو گوزوم یاشی

درد چوخ اولوب طبیب ناشی

خودایی نین یار یولداشی

ایندی گلمیر بیزه نئیلیم.

 

 زنگانلی آشیق ستار خودایی