آنالار ایسته یی

 

۱-آللاه اوزون عومور وئرسین.

۲-آللاه آخیرین خئیر ائله سین.

 

گئچن وارلیق

سایین یولداشلار بورادا زنگانین آتا لار سوزلری

 سیزه سونولاجاق:

۱- پالا سا بورون ائلینن سورون.

۲- آیران تاپمیر آشینا رئیحان سانجیر باشینا.

۳-داغا گئدن داغلی اولار  باغا گئدن باغلی

 

زامان دردی

 

ایندی زامان ترسه گلیب

ایری گولور دوزه نئیلیم.

فلک اوز چئویریب مندن

رحمی گلمیر بیزه نئیلیم.

***

ایش تاپیلمیر گولسون جاوان

الیف قددی اولور کامان

ترسه گلیب دونوب دوران

اوشاق باخمیر سوزه نئیلیم.

***

آلدانما چوخ بیغ پاپاغا

درده دئیمز پولسوز آغا

پول آپاریر ایش قاباغا

اورکده کی کوزه نئیلیم.

***

قولو باغلی قالیب شئیطان

باش قورتارمیر بو قوغادان

پیشیک سیچان قورخوسوندان

گئجه چیخمیر گزه نئیلیم.

***

کئف ایچینده یاتان چوخدور

کاسیبا شن خبر یوخدور

کورور کورور ییین چوخدور

آزدا چاتمیر بیزه نئیلیم.

***

قانا دوندو گوزوم یاشی

درد چوخ اولوب طبیب ناشی

خودایی نین یار یولداشی

ایندی گلمیر بیزه نئیلیم.

 

 زنگانلی آشیق ستار خودایی

چاغیریش

 

سایین دیلداشلار

اوز یازیلاریزی بو وبلاکدا یازا بیلیرسینیز

یازی لاریزین یولو نو گوزله ییریک

آشیق شئعری

 

سنین آهیندا خوش آمانیندا خوش

داغلا سینه میزی داغلا کرمی

زییاد خان اوغلونون ناکام عشقینه

یامان آغلاییرسان آغلا کرمی

داغلا سینه میزی داغلا کرمی

****

قایتار بیر آنلیغا اوتن زامانا

فیکریمیزی آبار داغا آرانا

له له لی کرملی دوشک بورانا

باغلا گدیک لری باغلا کرمی

داغلا سینه میزی داغلا کرمی

*****

شئعیر ده سنده دی قلم ده سنده

نعشه ده سنده دی الم ده سنده

له له ده سنده دی کرم ده سنده

جاغلا جاغلا جاغلا جاغلا کرمی

سن یازیق بهمنه آغلا کرمی

داغلا سینه میزی داغلا کرمی

شئعر : بهمن وطن اوغلو

 

چيلاندار باياتي سي

حاياتيميز چيمنليك

چمنليكده  د ولاننيق

قيزلار بيزه سوز وئريب

بيزده سوباي دولاننيق

گونده رن:ريضا علي كريمي

 

ددم قورقود یول گوستردی

دوز ایلقارا دوزگون یولا

سون سوزونو وئردی بانا

آنا دیلین قویما سولا.

***

حاق سوزونو من دینله ریم

آزادلیق اولسون سئوه ریم

قول قولا وئرسین ائل لریم

اوغوز ائلی بیر آی اولا.

***

آخارسویام تورک سویوندان

سئیراغیبین آل بویوندان

اوجا قامتلی بویوندان

قورومالی تورکوم اولا.

 

*بویو: جادو

هله لیک

گوز یاشیملا آغلاییبسان !

آهینی من چکمیشم . . .   

بورادا قالمیش :       منه یالین ال لریم   . . . سنه ایسه ، یورقون ایاقلارین

حساب حساب  ، هله لیک !

 

 

دیل دوشونجه سی

 

 Mürekkepten denizler, kağıttan gemiler yaptım.Sonra ismini her yere yazdım. İsmini yazınca seni sevdiğimi sandın, ben seni sevmedim sana taptım

 

بایاتی

 

آلتین ساات سنده دیر

زنجیر لری بنده دیر

دونیا بنیم اولورسا

بنیم گوزوم سنده دیر

قوناق شئعری

 

یالان دوغرودان قارانلیق آیدین لیقدان قاچار

گونش یالنیز دیر آما اطرافینا ایشیق ساجار

اورولمه دوغرولارین قدریدیر بو یازی

قارقا لار سورویله قارتال لار یالنیز اوچار

منيم حاياتيم

یالین الریم کیمه دادانسین ؟

سن اولمایاندا . . .

اینان . . . !

اولومدن یازیرام  . . .    تانری باغیریر

نیله ئیم ؟ حایاتدان دولیام !

(ب. ق. سهندـ) دن بیر شعیر:

من دئميرم اوستون نژاددانام من                 دئميرم ائللريم ائللردن باشدير
منيم مسلكيمده ، منيم يولومدا              ملت لر هاميسي دوستدور قارداشدير

چاپماق ايسته ميرم من هئچ ميللتي      نه ديلين، نه يوردون ،نه ده امگين
تحقيرائله ميرم ،هده له ميرم             كئچميشين، ايندي سين ، يا گله جگين

من آييرميرام، آيري سالميرام           قارداشي قارداشدان ، آروادي ـ اردن
آناني بالادان، اتي ديرناقدان             اوره گي ـ اوره كدن، قانادي پردن

پوزماق ايسته ميرم من بيرليكلري           انسانليق بيرليگي ايده آليم دير
قارداشليق، يولداشليق ، ادبي باريش    دونيادا ان بويوك آرزولاريمدير

آنجاق بيرسوزوم وار، من ده انسانام        ديليم وار،خلقيم وار،يوردوم يووام وار
يئردن چيخماميشام گوبه لك كيمي        آدامام،حقيم وار،ائليم اوبام وار

قول يارانماميشام،ياراناندا من                 هئچ كسه اولمارام ،نه قول،نه اسير
قورتولوش عصريدير انسانا بو عصر             اسير اولانلاردا بوخوون كسير